Nota de prensa:
A XUNTA RECIBE CASE 80 OFERTAS AOS CONTRATOS DE MELLORA E CONSERVACIÓN DOS MÁIS DE 1.500 QUILÓMETROS DA REDE VIARIA AUTONÓMICA DA PROVINCIA DE LUGO
Con estas actuacións garántese o mantemento das estradas de titularidade autonómica
Estes dous contratos tradúcense nun beneficio para os máis de 344.000 habitantes da provincia luguesa
Santiago, 2 de xuño de 2011.- A Xunta recibiu un total de 78 ofertas aos contratos de mellora, conservación e vialidade invernal das estradas autonómicas da provincia da Lugo, das que 40 ofertas corresponden aos viais da zona norte e 38 á zona sur da provincia. Este contrato de obra pública da Consellería de Medio Ambiente implica un gasto de máis de 34,1 millóns de euros, en obras de conservación ordinaria nos máis de 1.500 quilómetros da rede viaria das zonas norte e sur da provincia de Lugo. O propósito destas actuacións é o de garantir o mantemento da rede de estradas de titularidade autonómica, o que permite unha axeitada limpeza e coidado da rede viaria.
As obras que se levarán a cabo corresponden a unha xestión integral de conservación ordinarias das estradas, nas que se inclúe tamén as actuacións necesarias para o mantemento das condicións estruturais do firme, así como a reparación urxente de zonas puntuais danadas ben por causas naturais ou provocadas por algún accidente.
As unidades de obra divídense en tres grupos:
Grupo I: accións de vixilancia, atención a emerxencias e incidencias, así como viabilidade ambiental.
Grupo II: labores de conservación ordinaria.
Grupo III: operacións destinadas á conservación ordinaria programada, así como á atención de incidencias relevantes.
Grazas a este investimento, o departamento de Medio Ambiente do Goberno galego realizará reparacións dos elementos degradados ou a reposición completa, se é preciso. Así mesmo, proxéctanse labores revexetación, fresadura, roza e limpeza das marxes das estradas, e a reposición da sinalización horizontal ou vertical, entre outras.
Máis actuacións
Así mesmo, levaranse a cabo operacións imprescindibles para facilitar ou facer posible a circulación dos vehículos na infraestrutura existente, prestando especial atención ao Plan de Vialidade Invernal da Xunta de Galicia.
Os traballos neste eido van encamiñados ao desenvolvemento de medidas preventivas, como a extensión de fundentes, ou medidas para garantir a seguridade, como os quitaneves.
Os contratos aprobados hoxe terán vixencia durante os vindeiros cinco anos, comezando neste mesmo exercicio, e supoñen un beneficio para os máis de 344.000 habitantes da provincia lucense; máis de 133.000 da área norte e case 211.500 da sur.
Es posible que tu navegador no permita visualizar esta imagen. Es posible que tu navegador no permita visualizar esta imagen.
Todas estas accións se levarán a cabo en máis de 1.500 quilómetros das estradas da provincia de Lugo, 684,2 quilómetros correspondentes a Lugo norte e 821, 5 quilómetros a Lugo sur.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
