Nota de prensa:
O Centro de Innovación Social da Deputación ofrece máis de 400 prazas nas actividades gratuítas de xuño
– O In Lugo arrancou hoxe a programación deste mes que inclúe 28 cursos, obradoiros e seminarios sobre as vantaxes das novas tecnoloxías, dirixidos a persoas de todas as idades
– Cospeito e O Saviñao son os Concellos beneficiados nesta ocasión das xornadas formativas itinerantes logo da solicitude de diferentes colectivos municipais
– A inscrición, cuxo prazo está aberto, pode facerse nas instalacións do centro na capital, na web www.inlugo.deputacionlugo.org ou enviando un email a inlugo@deputacionlugo.org
O 1º Centro de Innovación Social en Galicia (In Lugo) que puxo en marcha a Deputación mediante o cofinaciamento do 88,9% do “Plan Avanza” do Ministerio de Industria arrancou este xoves a programación de actividades para xuño. Son en total 28 cursos, obradoiros e seminarios que, de xeito totalmente gratuíto, achegan as vantaxes das novas tecnoloxías ós lucenses co obxectivo de mellorar a súa calidade de vida. Na convocatoria deste mes, o organismo provincial ofrece máis de 400 prazas a persoas de todas as idades.
Hoxe o In Lugo, situado na rúa Frei Plácido Lemos da capital onde tamén se atopa a única Escola de Imaxe de Son que impulsou a institución luguesa, acolleu as dúas primeiras xornadas formativas que se celebran este mes. Son “Correo electrónico, buscadores de Internet” e “Fotografía Réflex”, nas que 20 lucenses cobren a cota de prazas dispoñibles.
En total, o centro organiza en xuño 19 cursos tales como: DNI Electrónico (a chave imprescindible para facer uso da administración electrónica que implantará a Deputación na provincia tamén este mes); Iniciación á Informática (dirixida a persoas que non teñan coñecementos básicos sobre esta ferramenta); Telefonía móbil (para maiores de 65 anos); así como Redes sociais, Xestión de arquivos, Crea o teu propio blog; Writer; CALC; Vídeo dixital; e SIXPAC (para todos os públicos).
Non todas estas xornadas se celebrarán nas instalacións do Centro de Innovación Social xa que, co obxectivo de facilitar o seu acceso, 3 delas se levarán a Cospeito, Escairón e Vilelos, tamén en O Saviñao. Son ditos Concellos os que nesta ocasión se benefician das actividades itinerantes logo de que distintos colectivos municipais o solicitasen. É o caso das Mulleres de Xermar que pediron un curso de Iniciación á informática que terá lugar na sede deste colectivo, de 21:00 ás 22:30 horas, os días 3, 10, 17 e 24 de xuño; os veciños de Escairón que acollerán na biblioteca municipal, o 20 e 21 de xuño, de 20:00 a 22:00 horas, unha xornadas sobre Sixpac; pola súa banda, dende 27 de xuño ó 1 de xullo, de 20:00 a 22:00 horas, a Asociación de Veciños de San Martiño de Vilelos recibirá formación sobre Ofimática.
Ó respecto dos seminario e obradorios, haberá 9: Lembranza fotográfica (para maiores de 45 anos); Prevención de riscos domésticos (para maiores de 45 anos); Políticas de Igualdade; Axudas e subvencións (para todas as idades); Busqueda activa de emprego (a partir dos 16 anos); Seguridade en Internet (nenos de entre 10 e 15 anos); Crea o teu horario escolar (de 6 a 12 anos); Educación vial e civismo (de 8 a 14 anos); e curso de Padel adaptado (para cativos con discapacidade).
Inscrición
Todas as persoas interesadas en participar nas actividades gratuítas do Centro de Innovación Social deste mes poden formular xa a súa inscrición. Para elo, deberán achegarse as súas instalacións (rúa Frei Plácido Lemos da capital) no seguinte horario: de luns a vernes, de 9:00 a 21:00 horas; sábado, de 10:00 a 14:00 e de 16:00 a 20:00; e domingo, entre as 10:00 e as 14:00 horas. Ademais, tamén poderán solicitar unha praza na súa páxina web www.inlugo.deputacionlugo.org; ou enviando un email a inlugo@deputacionlugo.org.
Formación on line
A maiores da modalidade presencial, existe a posibilidade de facer cursos on line, de diversas temáticas, como alfabetización informática, imaxe e son, iniciación ó deporte, Internet, orientación sociolaboral, ofimática e redes sociais, entre outros. Para poder participar, é necesario darse de alta como usuario da aula virtual, entrando na web www.inlugo.deputacionlugo.org descargar un formulario de inscrición, cubrilo e envialo á dirección de correo electrónico inlugo@deputacionlugo.org O usuario recibirá despois outro e-mail coas claves de acceso para cada curso solicitado.
Tódalas actividades, presenciais e on line, son gratuítas, pensadas para tódolos públicos, e están encamiñadas a achegar as novas tecnoloxías á poboación, sobre todo ós colectivos máis desfavorecidos, contribuíndo a eliminar a fenda dixital na sociedade lucense, favorecer o envellecemento activo e eliminar o illamento dos veciños da provincia.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
