Nota de prensa
– Son traballos do convenio do Plan Extraordinario de Obra Pública, acordados polo Presidente e o anterior Alcalde tendo en conta as demandas veciñais
– Besteiro visitou a pista de skate solicitada polos mozos deste municipio onde o 35% da poboación ten menos de 30 anos, ademais do parque de Tíjola dotado de novo mobiliario por valor de 17.000 euros
– As actuacións da institución provincial supuxeron a contratación de 90 traballadores que seguen a executar e ultimar 16 obras municipais
O Presidente da Deputación, José Ramón Gómez Besteiro, supervisou este martes actuacións que a institución levou a Burela co Plan Extraordinario de Obra Pública. Gómez Besteiro salientou que “con esta programación, asumimos 18 obras municipais, aforrando 1 millón de euros ó Concello e dotando ós preto de 10.000 burelenses de novos servizos”.
Estes traballos respostan ás demandas veciñais xa que foron acordados en decembro, -data da sinatura do convenio de 1 millón de euros enmarcado no mencionado Plan-, polo titular provincial e o Alcalde de Burela, por aquel entón Alfredo Llano, tendo en conta as solicitudes dos burelenses. Deste xeito, centos de mozos reclamaban unha pista de skate que a Deputación fixo realidade na rúa Marosa, achegando para elo 35.500 euros.
Hoxe mesmo, Besteiro visitou dita infraestrutura da que xa se está a facer uso. O Presidente fixo fincapé na relevancia da pista de skate para Burela, un municipio no que o 35% dos seus habitantes son menores de 30 anos, situando a media de idade nos 70 anos.
Outro exemplo do reclamo destas obras é o do Parque de Tíjola moi infravalorado ata o momento malia atoparse nunha das zonas máis poboadas de Burela como son as rúas Celso Emilio Ferreiro ou Arcadio Pardiñas. O titular provincial, que estivo acompañado polo actual Rexedor, José González Barcia, así como polos Deputados mariñanos Lara Méndez e José Ramón Val, tamén supervisou as actuacións levadas a cabo no Parque que consistiron na mellora do mobiliario urbano, dotándoo de novidosos xogos para os nenos. A Deputación investiu nestes traballos 17.000 euros.
90 empregos
Gómez Besteiro destacou que estas obras conlevan, ademais dun significativo aforro ás arcas municipais e da dotación de servizos ós veciños, unha forte aposta polo emprego. E é que as 18 obras da Deputación en Burela supuxeron o mantemento dun total de 90 postos de traballo. Actualmente, estes profesionais seguen a executar e ultimar as seguintes actuacións financiadas pola institución provincial:
Pista de multideporte no Parque Rosalía de Castro (33.000 euros); canalización fonte de Vilar (7.500 euros); canalización treito río Burela (37.500 euros); mellora do alumeado público e dotación de mobiliario urbano nas rúas Rosalía de Castro e Emilia Pardo Bazán (130.000 euros); proxecto técnico de demolición do edificio na rúa Pascual Veiga (40.000 euros); axardinado da Avenida Arcadio Pardiñas (73.500 euros); mellora do alumeado público tamén na Avenida Arcadio Pardiñas (238.000 euros); sinalización vertical na rede viaria municipal-zona Norte (45.000 euros); sinalización horizontal na rede viaria municipal-zona Sur (28.066 euros); sinalización vertical na rede viaria municipal-zona centro e área hospital (16.700 euros); acondicionamento da Praza da Igrexa (67.500 euros);reforma alumeado na Praza da Mariña e rúa Manuel Murgía (64.4000 euros); recrecido e colocación de tapas de saneamento, abastecemento, alumeado e sumiodiros na rede viaria municipal (45.000 euros); e 3 proxectos de renovación do pavimento en varias estradas municipais (121.334 euros).
Recepción no Concello
Previamente á visita ás obras do Plan Extraordinario, o Presidente mantivo un encontro privado co Rexedor de Burela na Casa Consistorial. Besteiro quixo trasladar a Barcia a firme aposta da institución pola máxima cooperación cos 67 Concellos lucenses para seguir xerando riqueza na provincia e combater a crise. Ademais, subliñou o seu compromiso coa Mariña, así como o intenso traballo levado a cabo en prol do desenvolvemento da Costa lucense mediante a posta en valor dos seus recursos naturais.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
