Nota de prensa
O PSOE DE FOZ NON ENTENDE COMO O ALCALDE PODE DEFENDER QUE O SEU CONCELLO QUEDE CUNHA ÚNICA AMBULANCIA QUE DÁ SERVIZO A TODA A MARIÑA
-Sixto Legaspi asegura que “é indignante ver que o noso alcalde xustifica esta medida antes de defender os intereses dos seus veciños”
-Subliñan que “se a única ambulancia que queda está de servizo noutro concello, os veciños de Foz non terán como ser trasladados ó hospital”
A Agrupación Socialista de Foz, ante as declaracións vertidas ós medios polo alcalde, Javier Castiñeira, sobre o recorte dunha ambulancia a partir do mes de setembro no seu Concello, sinalan que “é lamentable que o señor Castiñeira non se de conta a estas alturas que é o alcalde de Foz, o alcalde de tódolos veciños e non un representante da Xunta de Galicia”.
Luis Alfonso Sixto Legaspi, secretario xeral dos socialistas de Foz, asegura que “é indignante ver que o noso alcalde recoñece a eliminación dunha ambulancia no seu concello e aínda o xustifique. O goberno autonómico está recortando máis ca nunca prestacións e servizos sanitarios e a súa defensa non é máis que un acto de irresponsabilidade política do señor Castiñeira. O que ten que facer é defender os intereses dos seus veciños ante todo”.
Os socialistas afirman que “é verdade que a día de hoxe hai unha ambulancia medicalizada e outra ordinaria e que será esta última a que non estará de servizo durante doce horas ó día. O señor Castiñeira defende que aínda que se suprima este servizo nocturno queda unha ambulancia as 24 horas. O que non se di é que o vehículo medicalizado de Foz dá servizo a toda a Mariña, ou sexa que se a partir de setembro un veciño de Foz se pon enfermo pola noite e a única ambulancia de servizo está atendendo outra urxencia noutro concello, o veciño de Foz non terá como ser trasladado ó Hospital e atendido canto antes. É unha auténtica vergonza que o alcalde de Foz aínda teña argumentos para defender esta decisión e non faga nada para evitalo”.
Sixto Legaspi engadiu que “ó mesmo tempo que se anuncian recortes en servizos sanitarios tan necesarios coma este poñendo por disculpa a política austera á que se ten que someter a Xunta pola situación económica, comunican ós medios subvencións e axudas a entidades que non teñen ningunha función ou que poden esperar, como os 12.000 euros que recibirá a mancomunidade de municipios de A Mariña co único obxectivo de fomentar o asociacionismo municipal. ¿Non sería mellor recortar este tipo de gastos que non son tan necesarios e manter, ante todo, os servizos sanitarios dos que dependen as vidas de moitas persoas?”.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
