Nota de prensa:
A Vicepresidencia primeira da Deputación de Lugo, a través da Área de Cultura e Turismo, oferta en itinerancia aos concellos a exposición “Documentos con memoria” a partir de outubro
A exposición Documentos con memoria, é unha mostra bibliográfica, fotográfica e documental sobre o convento de San Francisco de Lugo (hoxe sede do Museo Provincial) producida polo propio Museo Provincial para conmemorar o 80º aniversario da declaración como BIC deste edificio.
Esta mostra consta de seis paneis de policarbonato con planos dos arquitectos Miguel Durán-Loriga, Manuel Gómez Román e Araceli Novo Celeiro, amais de debuxos, documentos, fotos e unha vídeo-montaxe cunha selección bibliográfica e imaxes de grande interese. Estivo exposta con notable éxito no Museo Provincial de Lugo de maio a xuño de 2011, no Museo Pazo de Tor no mes de xullo, no Museo Etnográfico de San Paio de Narla, Friol, en agosto, para rematar a itinerancia polos museos da Rede Museística da Deputación no Museo Provincial do Mar, en San Cibrao, o día 30 deste mes de novembro.
Agora, e co obxectivo de contribuír á difusión da nosa cultura e patrimonio, ofrécese aos concellos da provincia de Lugo e a outras institucións ou colectivos que así o soliciten a posibilidade de exhibir esta exposición na súa localidade.
As institucións interesadas deben porse en contacto co Museo Provincial, a través do telf. 982 24 21 12 ou no enderezo electrónico belas.artes@museolugo.org, para reservar e concertar as datas do seu interese, solicitudes que se atenderán por rigorosa orde de recepción.
Os gastos de transporte e envío do material serían sufragados pola Vicepresidencia Primeira, Área de Cultura e Turismo da Deputación, sendo responsabilidade exclusiva do receptor da exposición en itinerancia a vixilancia e seguridade in situ do material exposto.
Máis información:
Museo Provincial de Lugo
Praza da Soidade s/n
27001 Lugo
Tfno.: 982 242112 / 7 info@museolugo.org
Máis información sobre esta exposición na web: http://www.museolugo.org/documentos.asp?mat=27&id=1460
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
