Nota de prensa:
COMEZA O BAILE LARANXA 2011-12 NA SEGUNDA DIVISIÓN, CON EL POZO CIUDAD DE MURCIA
Xa está todo a punto para o comezo do baile laranxa 2011-12 na Segunda División, coa visita de mañá de ElPozo Ciudad de Murcia a Vista Alegre (18.30 horas), nunha tempada que se prognostica como unha das máis rifadas dos últimos anos.
Xunto Brais, André, Purao, Víctor Cachón, Ique, Juanma, Manu Jiménez, Christian, Clebinho e Turero, nesta nova andadura laranxa estrearase no banco o técnico Quique García e Iago Barro, na portería, ademais dos regresos de Dani Martín e Iago Míguez.
Sendo fiel aos seus alicerces e cunha dose extra de rexuvenecemento, o proxecto mariñán encara unha nova etapa chea de ilusión. Para a primeira batalla, na fortaleza burelista, medirase a un conxunto reestruturado tras as numerosas baixas con xogadores moi novos, dirixidos un exercicio máis por Juan Franciso Fuentes.
Para a posta de gala en Vista Alegre, Quique García disporá do vestiario ao completo, coa excepción do ala-peche viveirense Christian, que será sometido a unha artroscopia no xeonllo dereito mañá, a primeira hora, no Policlínico Lucense SA.
Como antesala do encontro, a peña A Pataca Naranxa reunirá a afección burelista no Día do Socio/a en torno a un xantar (A Parrillada de Jandro, 14.30 horas) para ir entoando os cantos de ánimo que os xogadores poderán escoitar ao longo de toda a tempada, nun ano moi especial para o club, no seu décimo aniversario.
Carnés 2011-12. Os socios/as poderán recoller mañá os carnés 2011-12 na bomboneira, a partir das 17.30 horas. O horario de atención da sede laranxa (avenida Arcadio Pardiñas, número 97, entresollado) é de luns a venres entre as 10.00-14.00 e as 16.00-20.00 horas.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
