O COTARELO
A cotiá camiñada polas rúas da vila, por veces amósanos realidades presentes que desdebuxan paraxes entrañables da nosa xeografía sentimental; lugares amados na lembranza de tantas horas que nutriron parte dese libro vivo, experimental, do que extraímos a aprendizaxe dun xeito de ser e de estar nesta sociedade á que, dende xeracións, pertencemos, e do que recibimos o influxo do ancestral talante comunitario da nosa tribo. Invádenos, entón, a nostalxia que xurde da película que, súpeta e desordeamente, proxéctasenos na mente. Cando no periplo diario, hai un anaco, chegamos á praza de Mondoñedo, epicentro da historia humana do Foz mariñeiro, o corazón deunos un brinco ó de súpeto contemplar como a piqueta derrubaba as paredes do que por moitos anos foi santuario do mais acendrado e carismático focensismo: o Club del Mar, ou “bar do Cotarelo”, que asomaba a proa ó cruce das rúas do Mar e Rego de Castiñeira. Lugar de permanente parladoiro, escenario de mil anécdotas, debates, controversias e situacións hilarantes xeradas, sobre todo, polo sentido do humor tan propio das nosas xentes, que ás veces exprésanse con dialéctica tal que alguén non iniciado podería entender de anoxo, escenas das que era principal artífice e actor Pedro, O Cotarelo. Luís Cordeiro conta no seu libro “Fume de pallas” a súa primeira visita ó lugar e a impresión que lle causara. Con realismo e donosura, descrebe a vivencia: “… o boureo orixinado por un fato de xente que se comunicaba a berros, a pesares de estar xuntos, era enorme. Para min o máis sorprendente era que uns homes que semellaban amigos, cruzasen entre eles unhas coñas e unhas tomaduras de pelo de tal calibre, que por menos no meu pobo armaríase unha boa barafunda”. De súpeto un berrou: “¡Calade a boca que imos botar un cantarín”..” E fíxose o silenzo para entoar:”…sueño con las velas blancas.. sueño con ser marinero” Se o destino nos deixa, algún día contaremos a entrañable historia do Cotarelo, con personaxes e situacións irrepetibles, e onde Lola preparaba os mellores calamares fritidos do mundo….
Suso Fernández
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Están organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofrecen tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
