Nota de prensa
O PP de Mondoñedo pedirá a celebración dun pleno extraordinario para coñecer a situación contable local
* Dende a agrupación local tamén estudan a posibilidade de solicitar a creación dunha Xunta de Compras
* O PP local pide “transparencia e firmeza” de cara aos veciños na xestión contable do Concello
Mondoñedo, a 3 de setembro do 2011. O Partido Popular de Mondoñedo, cun número de concelleiros suficientes, pedirá a celebración dun pleno extraordinario para coñecer o estado da contabilidade do consistorio local.
Dende o grupo do PP local, ven imprescindible aclarar a situación das contas do Concello aos veciños tras as últimas novas coñecidas a través dos medios de comunicación e tendo en conta o contraste que esta información sobre a crítica situación financeira ao borde da quebra económica supón coa última contabilidade presentada (2009) que arroxaba un remanente de tesourería superior aos dous millóns de euros.
Con esta situación de dificultade de liquidez incluso para facerlle fronte a pagos como son as nóminas, “non gaña ninguén”, acordan en asegurar dende o grupo dos populares locais. Dado isto, o PP de Mondoñedo esixe a clarificación da situación tras o encargo por parte do goberno local da realización da contabilidade a unha empresa externa que lle supuxo importantes custes ao Concello e que a día de hoxe non reflexa a situación contable das arcas municipais.
Así mesmo, dende a agrupación popular tamén esixen explicacións ao rexedor local trala presentación de tres reparos por parte da secretaria de intervención que advirten da situación municipal, ademais de ter en conta que Mondoñedo non recibirá os tributos correspondentes do Estado por non ter presentado a contabilidade do 2010.
A preocupación que transmite o alcalde mindoniense, segundo o PP, é a de garantir o pago das nóminas, algo prioritario para os populares pero tamén lle recordan que “moitas outras familias viven dos pagos do Concello como poden ser os provedores, que non cobran as súas facturas”.
Para o grupo popular a transparencia na contabilidade é unha “obrigación”, e aseguran “entender un retraso pero o que non entendemos é que se solicite a unha empresa externa a actualización contable que finalmente non reflexa a situación real do concello”.
Dada esta situación, dende o grupo Popular non descartan a posibilidade de esixir e creación dunha Xunta de Compras. Trátase dun órgano que permitirá ao goberno popular participar e ser coñecedor da situación contable, coa fin de actuar con “firmeza e transparencia”.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
