O VINDEIRO 17 DE OUTUBRO DARÁ COMEZO A XIMNASIA DE MANTEMENTO NAS PARROQUIAS DE RIBADEO. O PRAZO DE INSCRICIÓN ÁBRESE NO DÍA DE HOXE, SEGUNDO INFORMA O CONCELLO.
Ribadeo, 7 de outubro de 2011. Hoxe ábrese o prazo de inscrición para participar na ximnasia de mantemento nas parroquias, que organiza un ano máis a Concellaría de Deportes de Ribadeo. Os interesados deben cubrir a ficha que recibiron coa carta que estes días lles foi remitida desde o Concello e entregala ou ben no auditorio municipal ou ao monitor correspondente o día de inicio da actividade.
Desde a Concellaría de Deportes lembran que “como en anos anteriores será preciso presentar un informe médico conforme se pode realizar a actividade física da ximnasia de mantemento. Dito informe deberá ser entregado ao monitor”.
A ximnasia de mantemento nas parroquias de Ribadeo dará comezo o 17 de outubro e prolongarase ata o 16 de maio.
Os horarios, días de celebración e parroquias son os seguintes: en Vilaframil será os luns e mércores de catro a cinco da tarde; na Devesa será os martes e venres de 16:40 a 17:40 horas; en Vilausende luns e mércores de cinco e media a seis media da tarde; en Vilela tamén luns e mércores de seis e media a sete e media; a ximnasia de mantemento chegará os martes e venres de seis e media a sete e media a Rinlo/Obe; en Couxela será os luns e mércores de oito a nove da noite; en Vilaselán os luns de oito a nove e os xoves de sete a oito da tarde; en Noceda será os martes e xoves de oito a nove da noite; en Cedofeita os luns de 21:10 a 22:10 horas e os xoves de 20:30 a 22:30 horas; e en Remourelle os luns e mércores de 21:30 a 22:30 horas.
O alcalde de Ribadeo, Fernando Suárez, e o concelleiro de Deportes, Vicente Castro, enviaron unha carta aos veciños das parroquias para informalos dos horarios desta actividade, que é posible “grazas á boa disposición de todos e todas vós e ao éxito de participación que conseguimos desde o primeiro ano”.
As deputadas do PP lucense no Parlamento galego, Raquel Arias e Nicole Grueira, e a alcaldesa de Cervo, Dolores García, mantiveron na localidade un encontro con mulleres vinculadas ao sector do mar co obxectivo de visibilizar e poñer en valor o seu papel fundamental na economía mariñeira e na vida das vilas costeiras. A reunión serviu como espazo de diálogo e recoñecemento ao traballo que durante anos desenvolveron mariscadoras, redeiras e outras profesionais do sector. As populares manifestaron a súa defensa da igualdade e aseguraron que “sen as mulleres o sector do mar non se atende”.
Será na Explanada do Círculo Habanero, en carpa climatizada. Programa: 13:30: Sesión vermú con Dúo Puma. 14:30: Xantar (fabada, costela con patacas, sobremesa, café e bebida). Prezos: Socios 20 €. Non socios 30 €. Nenos 6–12: 15 €. Menores de 6 anos: gratis. Entradas: domingos 15 e 22 de marzo, de 11:30 a 13:30 no Local Social. Contacto: 682 06 57 07
A feira instalarase na Praza da Constitución e contará con showcookings, catas, música en directo e actividades para todos os públicos. O sábado haberá demostración culinaria con Marcos Pereiro, sesión vermú, talleres infantís e concertos de 9Louro e Mondra. O domingo incluirá showcooking de Miguel Mosteiro, novas catas e a tradicional sesión de baile no Centro Cultural.
Pode visitarse ata outubro e explica como se producía o ferro na antigüidade. O documental “Da pedra ao ferro” publicarase proximamente na web do Museo.
Asistiron o tenente coronel Rubén García Díez, que é xefe do Grupo de Honores da Garda Real; o comandante Féliz Rodríguez Alcántara, segundo xefe do Grupo de Honores da Garda Real; o capitán Miguel Martínez Vilela, xefe da Escuadrilla Plus Ultra da Garda Real; así como persoal da devandita escuadrilla. O obxectivo da xuntanza foi coñecer a labor deste grupo do Exército, as actividades que desenvolve e a posibilidade de que algunha delas se poida levar adiante en Ribadeo. Tamén participaron a concelleira de Seguridade, Montse Seijo, e o xefe da Policía Local, Andrés Redondo.
Ás 12:00 h, no Parque Ramón de Campoamor, terá lugar o acto institucional de homenaxe. Pola tarde, no Casino de Navia, haberá actividades abertas ao público: 18:00 h – Recital “Poesía que nos une escondida entre renglones”. 19:00 h – Encontro coa escritora Matilde Suárez, Premio “Ría del Eo”. A alcaldesa, Ana Fernández, destacou o compromiso de Navia por recuperar e poñer en valor o legado do poeta e consolidar o concello como referente cultural.
Ofreceranse as seguintes modalidades e horarios: adestramento de forza/funcional os luns e mércores ás 9.00 horas; pilates os luns e mércores ás 11.00 horas; e TRX os martes e xoves ás 9.00 horas. A inscrición e a información sobre estes cursos realizarase na recepción da Piscina Municipal. Ademais, durante este mes habilítase a opción de proba gratuíta.
