Nota de prensa
A DEPUTACIÓN EXPRESA O SEU PROFUNDO REXEITAMENTO ÁS INDEMNIZACIÓNS PERCIBIDAS POLOS DIRECTIVOS DAS CAIXAS GALEGAS
Mario Outeiro criticou que “5 exdirectivos vanse levar 40 millóns de euros, o que representa máis do 20% do valor de NCG Banco”
A Xunta de Goberno da Deputación aprobou dirixirse á Xunta de Galiza que faga públicos os dados referidos as contías das indemnizacións de todos os directivos xubilados así como a blindaxe dos contratos dos actuais dirixentes
Lugo, 7 de outubro de 2011. O delegado de Cultura e Turismo da Deputación de Lugo, o nacionalista Mario Outeiro, informou na rolda de prensa posterior a Xunta de Goberno da Deputación, que a propia Xunta de Goberno da Deputación manifestou o seu profundo rexeitamento ás indemnizacións percibidas polos directivos das caixas galegas, que Mario Outeiro cualificou de “escandalosas” tomou un acordo para instar ao Goberno Galego a que faga públicos os dados referidos as contías das indemnizacións de todos os directivos xubilados así como a blindaxe dos contratos dos actuais dirixentes.
Neste sentido, Mario Outeiro afirmou que “é de escándalo que 5 exdirectivos se vaian levar 40 millóns de euros, o que representa máis do 20% do valor de NCG Banco segundo o fixado polo Banco de España en 186 millóns de euros. “A cantidade que vimos de referir, como resulta evidente, correspondese só cunha pequena parte do diñeiro que a entidade ten destinado á indemnización dos seus antigos directivos”, -continuou Mario Outeiro, “descoñecendo a día de hoxe a contía que teñen percibido outros altos cargos das Caixas que se teñen acollido a prexubilacións así como a cantidade que o novo Banco ten provisionado para facer fronte á futuras indemnizacións dos actuais mandatarios.Á marxe doutras consideracións sobre os ingresos que seguen a recibir estas persoas, en tanto representantes da entidade en diversos organismos ou mesmo en sociedades mercantís, Mario Outeiro salientou que “non deixa de sorprender que a Xunta de Galiza, como órgano de control tal como estabelece a propia lexislación, non procedese a investigar a xestión dos mesmos ao fronte das entidades hoxe fusionadas”. Mario Outeiro afirmou que “a Xunta de Galiza debería ser quen investigue a xestión das equipas de dirección de Caixa Galiza e de Caixa Nova nesta década, así como o de Nova Caixa Galiza”, porque ten que realizar estas tarefas de fiscalización das caixas.
Por estas razóns a Xunta de Goberno da Deputación de Lugo vai instar á Xunta de Galiza a que faga públicos os dados referidos as contías das indemnizacións de todos os directivos xubilados así como a blindaxe dos contratos dos actuais dirixentes. Desta maneira, a Xunta de Goberno da Deputación tamén demandará do Goberno Galego que solicite dos directivos prexubilados a devolución da cantidade recibida en concepto de indemnización e que revise as blindaxes dos contratos dos dirixentes actuais; así como a que garanta a galeguidade e a orientación publica da nova entidade na dirección do expresado no último pleno da Corporación Provincial, e que o Goberno Galego obrigue a Nova Caixa Galiza Banco a dotar a cantidade suficiente para permitir o funcionamento da obra social de Nova Caixa Galicia.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
