Garantir futuro ao ensino público
Neste mesmo espazo de opinión de Cronica3 leo con certa desconfianza a carta da que di ser unha nai da familia –algo que non dubido- que curiosamente reproduce coma por coma o argumentario do PSOE respecto da situación do ensino público en Galicia. Moi lóxico, se temos en conta que a súa autora é edil socialista de Burela, hoxe na oposición tras a derrota electoral. Plena propaganda demagóxica propia do período preelectoral.
Resulta sorprendente que os socialistas sigan alleos á situación económica actual, á grave crise que antes negaron, e continúen defendendo sistemas de préstamos dos libros carísimos que implicaban destinar os cartos de todos os galegos para pagar tamén os libros de millonarios e xentes con gran poder adquisitivo. Non dubido que é moi complicado aplicar axustes presupostarios na educación. Pero antes de que esto sexa unha imposición de Europa ou do Fondo Monetario Internacional que teñen ao noso país no punto de mira como consecuencia da excesiva débeda e o despifarro que protagonizaron os políticos e, en especial, o goberno socialista de Zapatero e Rubalcaba, hai que poñer en marchas medidas de racionalización do gasto, entre elas, o acertado novo sistema de gratuidade solidaria dos libros en función da renda de cada un.
Os datos nunca menten. E ninguén poderá negar que en Galicia 1 de cada 4 euros do seu orzamento vai para educación e a nosa é unha das catro comunidades autónomas que máis inviste no sistema público educativo. Solo hai que saber sumar. Cos datos na man hai que entender como políticas as manifestacións dos sindicatos do profesorado –vinculados a partidos políticos da oposición- e cartas como a de Remedios López, absolutamente lexítima, pero que contan a realidade segundo a imaxe que máis lles convén.
A elección é moi sinxela. Ou apostamos por gastar mellor os cartos que son de todos ou pronto serán outros os que escollan onde teñen que recortar. Ou apostamos porque os profesores dean unha hora más de clase ou se encarguen da garda dos nosos nenos que chegan do transporte escolar, ou ao final, non haberá nin cartos para pagar a estes profesores que, por certo, non foron mobilizados polos sindicatos socialistas e nacionalistas cando lles recortaron o soldo.
Apostar pola educación pública e garantir que teña futuro. Podemos xogar ao populismo demagóxico como fai esta nai socialista ou comprender os esforzos que desde as administracións se lles está a pedir aos funcionarios, para garantir un sistema público e de calidade. Ao fin e ao cabo, nun país de 4 millóns de parados, eles son uns privilexiados.
Gema Pernas
O Concello destaca a oportunidade que supón para impulsar a hostalaría local e felicita ás persoas galardoadas pola súa contribución á gastronomía asturiana.
Este texto é o froito de varios anos de investigación e convida profesionais da educación, terapeutas e persoas curiosas a descubrir como o traballo coa arxila libera traumas e favorece unha transformación persoal profunda. Ao remate do acto servirase un viño e un pequeno petisco.
A continuación, as persoas que desexen continuar a conversa e compartir un tempo de convivencia poderán anotarse á comida que se celebrará na Casa da Penela.
Pasados dez minutos das 15 horas deste martes, un particular alertou ao 112 Galicia dun coche envorcado fóra da vía en San Martiño de Ferreiros, Pol. Aconteceu no quilómetro 3 da LU-750, e a única persoa implicada permanecía atrapada no interior. De inmediato, desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. Os bombeiros actuaron para liberar á persoa, que foi evacuada en ambulancia polos profesionais sanitarios desprazados ata o lugar.
Unha comedia orientada para público infantil escrita e dirixida por Bea Campos. Hora: 18h.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
Ofreceranse as seguintes modalidades e horarios: adestramento de forza/funcional os luns e mércores ás 9.00 horas; pilates os luns e mércores ás 11.00 horas; e TRX os martes e xoves ás 9.00 horas. A inscrición e a información sobre estes cursos realizarase na recepción da Piscina Municipal. Ademais, durante este mes habilítase a opción de proba gratuíta.
