Tamén propoñen eximir ao sector do pago das cotas á Seguridade Social durante todo o período no que se sucedan os fenómenos climáticos adversos e que o Goberno de España inicie os traballos necesarios para pedir á Comisión Europea a adopción dunha medida excepcional
Madrid, 11 de marzo de 2026. O Grupo Popular presenta na Comisión de Pesca do Senado -onde o galego Manuel Ruiz é o portavoz popular e da que forma parte o mariñán José Manuel Balseiro- unha iniciativa para esixir ao Goberno de Sánchez medidas de apoio á frota ante “os problemas específicos ocasionados ao sector pesqueiro polos últimos temporais”.
Os populares instan ao Goberno do Estado a poñer en marcha mecanismos de compensación, automáticos e áxiles, para dar resposta á situación que atravesan as persoas traballadoras do sector marítimo-pesqueiro a consecuencia dos danos sufridos a causa das borrascas e os episodios meteorolóxicos extremos continuados rexistrados na presente campaña.
Así mesmo, propoñen eximir ao sector do pago das cotas á Seguridade Social durante todo o período no que se sucedan os fenómenos climáticos adversos. E tamén inciden en que o Goberno de España inicie os traballos necesarios para pedir á Comisión Europea a adopción dunha medida excepcional, conforme ao artigo 26 do Regulamento (UE) 2021/1139 polo que se establece Fondo Europeo Marítimo, de Pesca e Acuicultura, en virtude do que se poida aprobar a articulación de medidas de apoio ao sector ante episodios extraordinarios, co obxectivo de dar resposta aos problemas específicos ocasionados polos fenómenos climáticos adversos ao sector.
Os senadores populares coinciden en que “os temporais marítimos son o principal factor de risco e xera incerteza no sector pesqueiro que, ante determinadas condicións meteorolóxicas, non sae ao mar por razóns de seguridade”.
As continuas borrascas e frontes atlánticas provocaron choivas moi intensas e persistentes que “impediron nas últimas semanas a actividade pesqueira da frota galega e do resto da costa española, impedindo que a de baixura e o marisqueo que dependen das saídas diarias para manter a súa rendibilidade fora realizada con normalidade”.
Os populares advirten que “o sector marítimo-pesqueiro non pode recuperar os días perdidos polo temporal xa que os produtos do mar son un recurso perecedoiro e os mercados demandan subministración continua” polo que “as súas perdas son irreversibles”. Así mesmo, ten que seguir afrontando custos de persoal e as cotizacións á Seguridade Social. De feito, “é o único sector produtivo que debe seguir asumindo os custos sociais completos sen posibilidade de realizar a súa actividade laboral”.
GALICIA
En Galicia, o Goberno galego a través dos biólogos de zona da Consellería do Mar e en colaboración coas confrarías de pescadores, realizaron dende o momento no que se puido actuar mostraxes dentro dunha campaña extraordinaria de análises do estado do recurso nos bancos marisqueiros das rías despois dos temporais.
Así mesmo, a Xunta reiterou o seu compromiso de continuar traballando da man do sector no deseño das medidas que van permitir apoiar aos profesionais e garantir a sustentabilidade do marisqueo galego mentres se recuperan os recursos.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
