A Mariña, 11 de marzo, 2026. A Garda Civil identificou os responsables dun pesqueiro que realizaba capturas de ourizo de mar nunha zona non autorizada fronte á costa de San Cibrao, no concello lucense de Cervo, intervindo un total de 156 quilogramos deste recurso marisqueiro.
A actuación iniciouse arredor das 10:00 horas de onte, cando unha patrulla do SEPRONA con base en Xove tivo coñecemento de que varios buceadores estaban a realizar inmersións desde un pesqueiro en augas do Cantábrico fronte a San Cibrao.
A patrulla desprazouse de inmediato ao lugar e solicitou a colaboración do Servizo de Gardacostas da Xunta, con base en Celeiro, que mobilizou unha embarcación con inspectores de pesca.
Desde terra, os axentes comprobaron que un pesqueiro con base habitual en Burela estaba faenando moi próximo á costa, nunha zona non autorizada para este tipo de actividade.
Os inspectores informaron o patrón de que estaba a realizar capturas nunha zona prohibida e instárono a esperar a saída dos buceadores e dirixirse ao porto para efectuar a inspección correspondente. Porén, o patrón ignorou os requirimentos e continuou faenando, desatendendo tamén as advertencias da Garda Civil.
A actividade extractiva só cesou por motivos alleos ás indicacións dos axentes. A embarcación puxo rumbo ao porto de Burela pola súa propia decisión, desobedecendo as instrucións do servizo de inspección pesqueira e da Garda Civil.
Unha vez en porto, os axentes interviñeron 156 kg de ourizo de mar, que, ao estaren vivos, foron devoltos ao mar ao seren capturados de forma ilícita.
Tamén se comprobou que a embarcación carecía da autorización preceptiva para alternancia de artes. Pola súa parte, o Servizo Marítimo Provincial realizou unha inspección en materia de seguridade marítima e documentación.
Como resultado final, a embarcación quedou atracada no porto de Burela co timón precintado.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
