A editorial da Mariña prepara a publicación de “Aidam e os cristais de Ilsatita” primeira obra dunha saga de dez títulos que aposta pola fantasía, a aventura, a ilustración e a creación en lingua galega
San Cibrao (Cervo), 15 de setembro de 2026. Hai historias que comezan cun libro. Outras comezan coa intención de crear un universo.
Editorial Salpetro, con sede en San Cibrao, na Mariña lucense, prepara a publicación de Aidam e os cristais de Ilsatita, de Juan Carlos Piñeiro Docampo, unha aventura xuvenil ilustrada que supón o primeiro paso dunha aposta editorial moito máis ampla.
A obra será a primeira dunha saga de dez títulos previstos dentro dunha nova liña coa que Salpetro quere explorar un espazo con enorme potencial: a creación de historias de aventura, fantasía e grandes universos narrativos pensados e publicados en galego, cun peso moi destacado da ilustración.
Dragóns, pobos antigos, guerreiros, cristais con poderes extraordinarios e unha loita polo equilibrio dun mundo fantástico forman parte do universo de Aidam e os cristais de Ilsatita. Unha obra concibida para que o lector non só lea a historia, senón que tamén poida entrar visualmente nela.
Ler. Imaxinar. Ver.
Salpetro quere reivindicar a ilustración como parte esencial da narración.
A editorial aposta por un modelo no que texto, deseño, ambientación e imaxe constrúan conxuntamente a experiencia lectora, achegando ao público xuvenil galego unha forma de entender o libro máis próxima aos novos hábitos de consumo cultural, sen renunciar ao valor literario.
Esta primeira publicación é tamén unha declaración de intencións.
Innovar desde San Cibrao
Desde A Mariña, lonxe dos grandes centros tradicionais da industria editorial, Salpetro está a desenvolver unha estrutura que combina creación literaria, ilustración, ferramentas dixitais, deseño e novas fórmulas de publicación e difusión.
A súa intención é converter esa posición periférica nunha vantaxe: crear desde o territorio, pensar sen fronteiras e levar historias galegas a lectores de dentro e fóra de Galicia.
O primeiro de dez títulos
Aidam e os cristais de Ilsatita non será unha publicación illada.
É o primeiro dunha planificación inicial de dez proxectos cos que Salpetro pretende construír progresivamente un catálogo propio e recoñecible: unha saga.
A aventura xuvenil ilustrada será unha das grandes apostas desta nova etapa, pero non a única. A editorial confirma que xa está a traballar en novos proxectos, obras e formatos —algúns en fase de desenvolvemento— dos que se irán dando a coñecer detalles nos próximos meses.
Salpetro quere abrir espazo a novas ideas, autores, ilustradores e creadores que compartan unha mesma visión: desde Galicia pódense producir proxectos editoriais contemporáneos, ambiciosos e competitivos.
Unha editorial da Mariña que quere facer cousas diferentes
Baixo a dirección de José Luis Rubal, Editorial Salpetro inicia unha nova etapa na que a innovación, a identidade e a capacidade de crear produto cultural desde A Mariña serán tres dos seus sinais de identidade. A editorial non quere limitarse a publicar libros. Quere crear universos, descubrir historias e experimentar con novas maneiras de contalas. E escolle facelo desde San Cibrao. Porque quizais o seguinte gran mundo fantástico en galego non teña que nacer nunha gran capital. Pode comezar aquí. Na Mariña. Á beira do Cantábrico. En Salpetro.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
