“As industrias lácteas deben reconsiderar a súa postura de cara á inminente renovación de contratos, pois unha baixada de prezo desencadearía unha baixada drástica da produción de leite”, afirma Noelia Rodríguez
Lugo, 11 de marzo 2026. A asociación de gandeiros e gandeiras Agromuralla, que reúne a 400 produtores de toda Galicia, fai un chamamento á “responsabilidade” das industrias leiteiras ás portas da inminente renovación de contratos, que vencen na maioría dos casos o día 31 deste mes.
Agromuralla califica de “temeraria” a postura das empresas de aplicar baixadas no prezo cobrado actualmente polas explotacións, tendo en conta “o repentino encarecemento de custos de produción que están a sufrir as granxas como consecuencia da guerra en Irán”.
A presidenta de Agromuralla, Noelia Rodríguez, explica que “desde que comezou o ataque de EEUU e Israel os prezos do gasóleo agrícola disparáronse, superando neste momento 1,5 euros o litro”. Esta situación chega nun momento no que está a piques de comezar a campaña agrícola, co abonado das fincas de herba e o posterior ensilado.
Do mesmo xeito, tamén se disparou o prezo dos fertilizantes, que dependen nalgún caso directamente do prezo do petróleo e o gas natural para a súa fabricación, e que xa experimentaran un encarecemento desde comezos de ano como consecuencia da decisión da UE de aplicar o chamado Mecanismo de Axuste de Carbono en Fronteira. Agora, debido ao estalido bélico, non está garantido o subministro dalgúns abonos, poñendo en risco a produción forraxeira das granxas, tanto de herba como de millo.
Á suba do gasóleo e os fertilizantes, engádese a suba da luz, os plásticos e os pensos, o que vai provocar de xeito inmediato un incremento dos custos de produción das explotacións que Agromuralla cifra nun 20%, semellante ao vivido no ano 2022 co estalido da guerra en Ucraína.
Renovación inminente dos contratos do leite
Este incremento de custos das explotacións prodúcese a piques de que se inicie a renovación de contratos de compra-venda do leite, que finalizan na maioría dos casos este 31 de marzo. As ofertas enviadas polas industrias fai un mes recollían “baixadas desproporcionadas e inasumibles de até 9 céntimos en litro que non se axustan á realidade do mercado e non teñen en conta o incremento de custos provocado pola guerra”, asegura Noelia Rodríguez.
Por iso, Agromuralla pide ás empresas que reconsideren a súa postura, repercutindo no prezo do leite o incremento de custos de produción que están a sufrir as granxas. Do contrario, advirten, “os contratos serían ilegais”, pois non está permitido legalmente traballar a perdas.
A entidade máis representativa do sector produtor de leite na comunidade agarda que as industrias reconsideren a súa postura nos vindeiros días, pois “estarían poñendo en risco o subministro de leite e o abastecemento á poboación”. “Unha caída de prezos a partir de abril desencadearía un descenso da produción de leite e aceleraría o peche de granxas”, alerta a presidenta de Agromuralla. “Neste momento as vacas de carne manteñen prezos altos e moitas explotacións optarán por enviar vacas a matadoiro antes que ter que producir por debaixo de custos”, explica.
O risco de que a dermatose chege a Galicia
Ao factor do prezo e do incremento de custos de produción engádese ademais a “ameaza” que supón para o sector o avance da Dermatose Nodular Contaxiosa. A enfermidade detectada a finais do 2025 en Cataluña saltou xa a Aragón e prosegue o seu avance cara ás principais zonas leiteiras da cornixa cantábrica. “De chegar a Galicia sería a ruína para o sector”, advirte Agromuralla.
Noelia Rodríguez califica de “risco certo” esta posibilidade, polo que considera “unha temeridade e un acto suicida” a intención inicial das industrias leiteiras de baixar prezos. Do mesmo xeito, Agromuralla esixe á conselleira do Medio Rural, María José Gómez, “un pronunciamento claro e directo en defensa do sector e en contra da baixada de prezos por parte das industrias, máxime, ante a suba desmesurada dos custes de produción”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
