A alcaldesa, Carmela López, participará como relatora nun foro internacional sobre liderado feminino no ámbito municipal e aproveitará o encontro para poñer en valor a relación histórica e social entre Burela e a comunidade caboverdiana
Burela, 10 de marzo de 2026. A alcaldesa de Burela e presidenta da Deputación de Lugo, Carmela López, acompañada pola concelleira de Economía, Patricia Eijo, participará os días 12 e 13 de marzo na cidade de Praia (Cabo Verde) no II Encontro Internacional de Mulleres Electas ‘As Elixidas’, un foro internacional centrado no liderado feminino na política local que reunirá a máis de 130 alcaldesas e concelleiras de Cabo Verde, Mozambique e Galicia.
Carmela López foi convidada a participar neste encontro polo Fondo Galego de Cooperación e Solidariedade, entidade que organiza o evento xunto coa Asociación Nacional de Municipios de Cabo Verde baixo o lema “Electas no local, unha voz global”.
No marco das xornadas, a alcaldesa intervirá como relatora na mesa internacional Boas prácticas municipais con enfoque de xénero. Experiencias de Cabo Verde, Mozambique e Galicia. Durante a súa intervención, compartirá iniciativas desenvolvidas dende o ámbito local e a súa experiencia no municipalismo e á fronte da Deputación de Lugo, incidindo no papel que teñen os concellos como administracións máis próximas á cidadanía á hora de impulsar políticas públicas que favorezan a igualdade.
A alcaldesa sinala que participar neste foro internacional supón “unha enorme responsabilidade e tamén unha gran satisfacción poder participar neste foro, no que se dan cita alcaldesas e responsables municipais de distintos países para reflexionar e avanzar xuntas cara a unha política mellor”.
Un dos aspectos que a rexedora porá especialmente en valor durante o encontro será a relación social e histórica que une Burela con Cabo Verde. A alcaldesa destacou que “ao longo das últimas décadas, a presenza da comunidade caboverdiana converteuse nun elemento esencial da vida social, cultural e económica da vila, creando fortes vínculos familiares, afectivos e comunitarios”.
Neste sentido, Carmela López destaca que Burela é “un exemplo de convivencia, diversidade e integración”, e considera “especialmente significativo poder compartir esta realidade nun foro internacional no que participan representantes institucionais de países con fortes vínculos históricos e sociais”.
A axenda institucional en Cabo Verde incluirá tamén diferentes encontros e visitas institucionais, entre elas unha reunión na Embaixada de España no país e visitas ás localidades de Ribeira Grande de Santiago e Porto Mosquito, co obxectivo de coñecer de primeira man a realidade social e institucional do territorio e reforzar os vínculos existentes entre Cabo Verde e a provincia de Lugo.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
