Nota de prensa
O CONCELLO ACOLLEU A PRIMEIRA XUNTANZA OFICIAL DA COMISIÓN DE SEGUIMENTO DO PXOM DE BURELA. OS ASISTENTES RECIBIRON INFORMACIÓN PORMENORIZADA DOS AVANCES QUE SE PRODUCIRON NAS ÚLTIMAS SEMANAS, SEGUNDO GONZÁLEZ BARCIA.
Burela, 7 de outubro de 2011. O Concello acolleu esta mañá a primeira xuntanza oficial da comisión de seguimento do PXOM de Burela. Os asistentes recibiron información pormenorizada dos avances que se produciron nas últimas semanas, segundo o alcalde.
José María González Barcia subliñou que “se trata da primeira reunión oficial da comisión de seguimento do PXOM de Burela, desde que se aprobou a súa creación en pleno. Houbo un ou dos encontros informais neste tempo, pero a primeira xuntanza oficial foi ésta”.
O alcalde de Burela indicou que “se lles explicou aos asistentes a situación real dese documento e os trámites que se están a realizar. Démoslles conta dos dous encontros celebrados hai días tanto na Demarcación de Estradas do Estado en Galicia como na Secretaría Xeral de Urbanismo da Xunta”. Barcia sinalou que “se lles dixo claramente que as cousas van razoablemente ben, pero sen fixar prazos polo momento”.
O rexedor amosóuse sorprendido “porque despois das explicacións recibidas algúns lembráronse de que Fomento aínda non resolveu as alegacións presentadas desde Burela ao corredor Barreiros-San Cibrao. Nós seguiremos adiante coa tramitación do PXOM. Non podemos agardar por esa resolución, porque que se pode prolongar moito no tempo”. González Barcia considera que “desde a oposición, e dado que o PSOE está no goberno do Estado, se podía ter feito algunha xestión para axilizar ese proceso, pero neste tempo non houbo xestión algunha nin diante de Fomento nin da Xunta. De todos os xeitos abrímoslles a porta a posibles colaboracións neste sentido”.
José María González Barcia dixo que “nós cumprimos co que dixemos hai un tempo, que iamos activar a comisión de seguimento do PXOM e así o fixemos. Hoxe vímonos e todos preguntaron canto quixeron. A partires de aquí cando teñamos o plan encarrilado tanto con Fomento como coa Xunta voltarémolos a chamar”. O alcalde explicou que a reunión da comisión foi cordial e que se deu información pormenorizada do que se avanzou nestes últimos tempos.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
