Nota de prensa
O EMBLEMÁTICO PLAYAS DE CASTELLÓN RECALA NA BOMBONEIRA
O emblemático e histórico Playas de Castellón, descendido de Primeira esta tempada, recala na bomboneira para protagonizar o duelo da sétima xornada de Segunda en Vista Alegre (sábado 29, 18.30 horas). Unha das incógnitas da cita será o encargado de defender a meta do Burela FS-Pescados Rubén, ante o que Brais o ten moi claro: “Tanto Iago coma min estamos traballando moi duro; creo que calquera dos dous estamos perfectamente capacitados para levar a portería do Burela. Quique ofreceume a súa confianza nos tres últimos encontros e sentinme cómodo e ben na pista; agora só me queda continuar a dar o mellor de min para medrar como xogador e gañar minutos”.
Os castellonenses saltarán á pista burelá como un dos indiscutibles nas quinielas polo ascenso a pesar de que están amosando un inicio un tanto dubitativo que os mantén na cola clasificatoria; en seis xornadas os levantinos teñen no seu poder 4 puntos, froito do empate en Manzanares (3-3) e da vitoria como local ante o Melilla (3-2). “O inicio irregular do Playas está sendo sorprendente, pero creo que tan só será anecdótico porque é un rival moi duro, con experiencia e xogadores veteranos, que rematará claramente nos postos de arriba” asegurou Brais, que identificou “a presión de balón” como a clave para a cita de Vista Alegre: “Deberemos ter especial coidado de tapar as liñas de pase ao pivote, de emprego moi recorrente no rival, e ser moi concienzudos no caso de que opten polo cinco contra catro, estratexia que traballan moi ben”. “Se conseguimos pulir a finalización nas numerosas ocasións de gol que estamos xerando poderemos marcar o ritmo do partido” puntalizou o laranxa.
O meta burelista tamén falou do impulso de regresar á senda da vitoria: “Estamos a un só punto da cuarta praza e o triunfo daríanos o empurrón necesario para seguir na zona media-alta nunha liga que promete ser a máis rifada dos últimos anos”. Sen dúbida os laranxas están mentalizados para realizar un gran partido; a semana de adestramentos programouse para despregar un gran nivel na cita. “O equipo está unido, con ganas e ilusión; estamos traballando ben para atopar esa regularidade que nos dará a estabilidade necesaria para estar na zona alta; os partidos coa nosa afección son fundamentais neste obxectivo”, precisou Brais.
Vestiario. Na evolución de Christian continúan as boas novas; o ala-peche viveirense puido comezar esta semana o traballo de recuperación, con exercicios de ximnasio e carreira en pista.
Invitacións. Os hoteis Palacio de Cristal, Nordés e Sargo, en Burela, e O Rincón de Anita, en Foz, agasallarán a súa clientela durante as ceas deste venres con invitacións para gozar co xogo entre burelistas e castellonenses.
Copa do Rei. A escuadra mariñá desprazarase ata a provincia coruñesa o vindeiro martes, 1 de novembro, para disputar a segunda eliminatoria da Copa do Rei ante o Noia FS, da Segunda División B; será no pavillón municipal, a partir das 18.30 horas.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
