Nota de prensa
REUNÍUSE EN BURELA A COMISIÓN TÉCNICA DO FORO 21 PARA REVISAR OS PLANS DE ACCIÓN.
Burela, 28 de outubro de 2011. A comisión técnica do Foro 21 mantivo un encontro para analizar os plans de acción de sostibilidade ambiental, social e económica. Os coordinadores, José Casas, Patricia López e Mónica Pedre, fixeron unha avaliación da situación de cumprimento de cada un deles e propuxeron os programas, liñas de actuación e accións a implementar en ditos plans. Todos coincidiron na necesidade de proceder á súa actualización, “porque os actuais correspóndense ao ano 2003”.
O presidente da comisión técnica do Foro 21, José María González Barcia, plantexou que se estuden en detalle os plans para ver as sinerxias que poidan existir entre eles, paso previo ao traslado dos mesmos ás comisións temáticas, que serán as encargadas de priorizar as liñas de actuación que se deriven de cada plan. Patricia López agarda que “as distintas comisións temáticas se poidan reunir antes de que finalice o ano”.
O encontro da comisión técnica do Foro 21 celebróuse a mediados desta semana na sala de comisións do Concello de Burela. Nel participaron José María González Barcia, José Casas, Patricia López, Mónica Pedre e Mª José Castro, técnico de medio ambiente.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
