Nota de prensa:
Afirma que Galicia segue afondando na senda do aforro farmacéutico e avanza que a adaptación do Catálogo Priorizado de Fármacos de Galicia á nova normativa permitirá un aforro adicional de 3,5 millóns de euros mensuais, un total de 40 millóns anuais
Feijóo destaca a mobilización, coa sinatura de dous convenios, de 90 millóns de euros para investimentos en materia de sanidade pública co obxecto de buscar a eficiencia nas prestacións sanitarias a través da innovación
Salienta que a iniciativa INNOVA-Saúde permitirá a posta en marcha de 14 proxectos para mellorar os servizos de asistencia a domicilio; “traballar en novas ferramentas relativas á teleasistencia e á telemonitorización e, en definitiva, á hospitalización domiciliaria”
Sostén que o Proxecto de Innovación Hospital 2050 servirá para comezar a definir o hospital do futuro en Galicia e que poda servir de exemplo para o Sistema Nacional de Saúde. “Vamos, a estudar un novo hospital do futuro con novos sistemas de xestión integral de pacientes, con robotización hospitalaria e con eficiencia enerxética”
Avanza, tamén, a aprobación dunha achega de 3,6 millóns de euros para financiar 28 investigadores nas tres universidades galegas ata o ano 2013
Santiago, 27 de outubro de 2011.- O presidente da Xunta, Alberto Núñez Feijóo, avanzou esta mañá, na rolda de prensa do Consello, a mobilización de 90 millóns de euros para investimentos en materia de sanidade pública, a través da sinatura de dous convenios financiados con Fondos Feder do Ministerio de Ciencia e Innovación e con fondos da Comunidade, co obxecto de buscar a eficiencia nas prestacións sanitarias a través da innovación. “Hoxe, -explicou- aprobamos dous convenios que buscan o mesmo: innovación sanitaria para atopar eficiencia na mellora continua dos servizos sanitarios públicos”.
Deste xeito, o titular do Goberno galego subliñou que o primeiro convenio, INNOVA-Saúde, con 45 millóns de euros, permitirá a posta en marcha de 14 proxectos para mellorar os servizos, basicamente, de asistencia a domicilio, utilizando novas tecnoloxías. “Imos a traballar en novas ferramentas relativas á teleasistencia e á telemonitorización e, en definitiva, á hospitalización domiciliaria”.
O resultado final desta iniciativa poderá ser analizado desde dúas perspectivas: a perspectiva sanitaria, “con fondos de innovación vamos a enfocar ferramentas para un novo modelo de hospitalización do tratamento dos procesos agudos, que é a atención domiciliaria”; e a perspectiva empresarial, “xa que estes 45 millóns de euros poden supoñer a creación de 20 novas empresas e a creación de 500 postos de traballo”.
O segundo proxecto, que supón tamén un investimento de 45 millóns de euros, recibe o nome de Proxecto de Innovación Hospital 2050 e servirá para comezar a definir o hospital do futuro en Galicia e que poda servir de exemplo para o Sistema Nacional de Saúde.
Neste sentido, Feijóo precisou que o hospital do futuro terá que estar baseado na eficiencia -enerxética e de custes de mantemento-, no respecto ao medio ambiente, adaptado e con moitas máis tecnoloxías que ata o de agora e, por suposto, centrado no paciente. “Vamos, polo tanto, a estudar un novo hospital do futuro con novos sistemas de xestión integral de pacientes, con robotización hospitalaria e con eficiencia enerxética”, aseverou.
O presidente da Xunta subliñou que “con estes dous proxectos preténdese, en definitiva, sentar as bases de cómo poderán ser as prestacións sanitarias do futuro e cómo deberán ser os hospitais do futuro do Sistema Nacional de Saúde”. “E seguimos incidindo –engadiu- en dúas estratexias clave deste goberno: o Plan I2C de Investigación, Innovación e Crecemento e a Estratexia SERGAS 2014”.
Programa de estabilización de investigadores
Durante a rolda de prensa, o responsable do Goberno galego avanzou, tamén, a aprobación dunha achega de 3,6 millóns de euros para financiar 28 investigadores nas tres universidades galegas ata o ano 2013. “Continuamos –afirmou- desenvolvendo o programa de estabilización no ámbito da investigación pactado co sistema universitario galego. Non só temos que atraer novos investigadores con talento contrastado, senón evitar que se marchen”.
“Polo tanto, desde o 1 de xaneiro de 2010 ao 30 de xuño de 2011, todos os que finalizaron os seus períodos de investigación e que teñan a certificación do Programa Parga Pondal e conten coa acreditación Manuel Colmeiro quedaranse ata o ano 2013 con becas de investigación financiadas con fondos públicos”, aseverou.
Afondando na senda do aforro farmacéutico
Na súa comparecencia ante os medios, Alberto Núñez Feijóo subliñou que, do mesmo xeito que Galicia adaptou medidas de aforro farmacéutico antes que ninguén, agora “Galicia adapta o seu Catálogo ás novas medidas de compromiso co aforro farmacéutico antes que ninguén”. Referiuse así á decisión tomada hoxe polo Consello de adaptar o Catálogo Priorizado de Fármacos de Galicia á nova normativa estatal, que na práctica supón a súa extensión desde os 48 principios activos iniciais ata 418, e que entrará en vigor o vindeiro 1 de novembro.
O presidente da Xunta indicou que con esta medida, o Goberno galego “decide seguir apostando pola política de medicamentos a menor prezo”, de forma que “nos adaptamos de forma inmediata á normativa do Ministerio de Sanidade e continuamos na senda dos prezos menores, que é a senda que inspirou este Catálogo galego e que, polo que se ve, é un Catálogo que se amplía ao sistema nacional de saúde”.
Feijóo lembrou que o Catálogo Priorizado de Fármacos responde ao compromiso da Xunta de “buscar e atopar todas as capacidades de xestión eficientes para manter o sistema sanitario público en Galicia”. Nese sentido, indicou que o Catálogo xa permitiu, nos nove primeiros meses do ano, acadar un aforro de 76 millóns de euros, 300.000 ao día, que supoñen unha diminución do gasto farmacéutico do 10,87%, “a maior baixada do gasto farmacéutico desde a transferencia do INSALUD á Comunidade Autónoma”.
Ao integrarse os novos principios activos, subliñou Feijóo que se producirá un aforro adicional de 3,5 millóns de euros mensuais, un total de 40 millóns anuais que se veñen sumar aos 100 millóns de euros de aforro previstos inicialmente polo Catálogo galego, o que significa, indicou, “que o próximo ano teremos un gasto farmacéutico máis contido e teremos sen dúbida unha sanidade pública con máis futuro que o que tiña antes de empezar estas políticas farmacéuticas”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
