Salomé e Isaías Cardoso e Daniel López coparon os primeiros postos en Sub16 na tirada de bolos en Xove

NOTA DE PRENSA.-

XXIIIª TIRADA DE BOLOS – XIIª SUB 16 –  IIIª LIGA FEMININA

(TEMPORADA  2011/2012)

Organiza:    Concellería de Cultura do Concello de Xove

Colaboran: IES Illa de Sarón de Xove

INCIDENCIAS DA 4ª  TIRADA

(Campo Fútbol de Xove – Sábado, 29 de outubro 2011)

-Tarde moi agradable cun sol expléndido. 38 inscritos: 23 na Liga Senior Masculina, 8 na liga SEnior Femenina e 7 na Liga Sub 16.

Liga Senior Masculina.- Espectacular victoria de Ginés Rodríguez, quen despois de dúas semanas sen participar realizou unha tirada expléndida, acadando tamén a mellor bolada, e batindo nos últimos instantes a José Rafael González, que ía destacado despois das dúas primeiras boladas. Esta victoria permítelle a Ginés encaramarse á terceira posición na táboa con 20 puntos. O segundo posto nesta tirada foi para Andrés Rodríguez, quen tamén sobrepasou os douscentos tantos, e con 15 puntos ascende da 12ª posición á 7ª, compartindo posto con Sócrates Campo. Por outra banda, o gran animador da tarde foi José Rafael  González que por segunda semana consecutiva acadou o terceiro posto, confiándose na última tirada o cal lle costou seguramente a victoria neste campo. Así e todo, cos 8 puntos acadados, José Rafael pasa da 8ª á 4ª posición, ubicación máis acorde coa súa categoría, xa que se trata do vixente campión e un dos grandes animadores e favoritos finais a facerse co trunfo final. A clasificación encabézaa outra semana máis Arturo Vigo con 37 puntos, gracias aos 5 puntos acadados nesta tirada. Segundo continúa Luis Rancaño con 26 puntos e que non participou nesta tirada; realmente unha pena, xa que Luis foi operado dunha rodilla e vai estar de baixa os vindeiros meses; toda unha mágoa para un xogador que comezou a temporada cun nivel moi alto e cunha gran motivación. Dende aquí queremos desexarlle unha pronta recuperación, esperando velo con nós o máis asiña posible.

Liga Senior Feminina.- Victoria sorpresa de Leonor Casabella, quen pasa do 7º ao 3º posto na xeral. Líder sigue Carmen Roca con 20 puntos, ampliando a súa vantaxe sobre Belén Meitín que é segunda con 17 puntos. O terceiro posto está compartido  pola citada Leonor e por Dolores Baño, a vixente campiona, quen segue sen arrancar, mostrándose moi irregular.

Liga Sub 16.- Os irmáns Cardoso (Isaias e Salomé) coparon as dúas primeiras posicións, xunto co líder Daniel López. A victoria de Isaias permítelle compartir liderato con Daniel, ambos con 18 puntos, seguidos da vixente campiona Salomé Cardoso con 11 puntos. Ata o momento son os tres xogadores máis regulares e que mellores maneiras están a amosar.

A Vindeira tirada vai ter lugar na Bolera do CENTRO SOCIAL DE O CRUCEIRO NA PARROQUIA DE XUANCES, O VINDEIRO SÁBADO, 5 DE NOVEMBRO DE 2011.