Nota de prensa
ANTONIO VEIGA PARTICIPOU EN RIBADEO NA PRESENTACIÓN DO LIBRO COA ESCOLMA DE ARTIGOS DE HERNÁN NAVAL
Veiga cualificou a Hernán Naval como “un dos referentes musicais e culturais dos 90 na comarca da Mariña e tamén de Galiza” e reivindicou “a súa faceta política, da que moito temos que aprender”
O libro “Vou canso de todo menos da música-Escolma de artigos de Hernán Naval” editado pola asociación cultural Musiqueando coa colaboración da delegación de Cultura do Concello de Ribadeo e máis da área de Cultura da Deputación
Ribadeo, 12 de novembro de 2011. O vicepresidente da Deputación de Lugo, o nacionalista Antonio Veiga, xunto á responsábel da delegación de Cultura do Concello de Ribadeo, Mariluz Álvarez Lastra, e o director da asociación cultural Musiqueando, Suso López, presentaron esta mañá nas dependencias da Escola de Música de Ribadeo na Casa do Mar, ateigado de veciños e veciñas, o libro “Vou canso de todo menos da música-Escolma de artigos de Hernán Naval” editado pola asociación cultural Musiqueando coa colaboración da delegación de Cultura do Concello de Ribadeo e máis da área de Cultura da Deputación de Lugo.
O vicepresidente da Deputación, Antonio Veiga, destacou que “para a xente de Ribadeo e da Mariña pódese definir como un dos referentes músico-culturais dos anos 90 na comarca e, penso, tamén en Galiza. Era un músico, pero a súa faceta intelectual tamén abarcaba ámbitos da cultura, da política”. “El impregnaba todos os seus traballos de eses compoñentes que estaban arredor da música e trataba de que a través da banda se contribuíse a xerar un pouso cultural, político, filosófico da xente que estaba canda el. E tamén puxo en marcha a escola municipal de música de Ribadeo, sendo un referente a seguir en toda Galiza”.
Veiga destacou que “dez anos despois do seu pasamento, cando algúns din que estes son «malos tempos para a lírica» outros pensamos, algo que tamén aprendemos do mestre: que sempre nos vai quedar a música e a cultura para facerlle fronte á barbarie dos que nos queren silenciar transformándonos en mercadoría á que se lle pode poñer prezo”. Antonio Veiga quixo tamén agradecer o traballo feito por Musiqueando para levar a cabo a edición deste libro, que a tanta xente implicou, e instou ás persoas que forman o colectivo a que “non cesen no empeño de manter viva a figura de Hernán Naval e difundir o seu legado musical e cultural”.
No libro, editado co gallo do décimo aniversario do pasamento do que fora director da Banda Municipal de Ribadeo (BMR) e máis da Escola Municipal de Música e Danza (EMMeD) da vila, recóllense once artigos publicados en prensa e revistas e máis catro programas de man de diferentes concertos da BMR. O obxectivo da edición deste volume é, segundo sinala o presidente de Musiqueando, Suso López, “manter viva a figura e máis o ideario de Hernán e demostrar a vixencia do seu xeito de pensar e de entender o mundo da música, da cultura ou da sociedade”. O punto de partida para a edición deste libro é un traballo de recopilación e clasificación de artigos e reseñas en prensa relativas á figura de Hernán e máis á EMMeD ou a BMR que realizou ao longo de case dous anos Fernando Rodríguez Raño (Fuji). Os textos escollidos foron publicados entre os anos 1990 e 2001 en medios locais (La Comarca del Eo, La Voz de Galicia-A Mariña e El Progreso-A Mariña) así como en publicacións doutro tipo como a revista da Federación Galega de Bandas de Música ou a revista do actual IES Dionisio Gamallo Fierros coa que Hernán Naval colaborou en 1991. “Os artigos figuran no libro tal e como Hernán os escribiu, tan só foron revisados lingüisticamente e se engadiron unha serie de notas a pé de páxina que consideramos oportunas co fin de aclarar conceptos e para facer comprensíbeis a pesar do paso dos anos algún dos textos”, sinala Suso López.
No proceso de selección dos textos, de corrección, así como de maquetación e deseño participaron de xeito desinteresado unha serie de persoas que tiveron relación con Hernán Naval, tanto a nivel musical coma persoal, en diferentes etapas. Sairán do prelo un total de mil copias do libro que se distribuirán de xeito gratuíto e que serán enviados a conservatorios, escolas de música e bandas do país.
Os cortes de circulación aplicaranse desde as 12.15 horas ata a finalización da sesión vermú e, de novo, desde as 20.30 horas ata o remate das actividades festivas en ambas as dúas xornadas. O Concello agradece a comprensión da veciñanza e recomenda planificar os desprazamentos tendo en conta estas restricións temporais.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continúa o sábado, a partir das 19.00 horas, coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
As persoas asistentes poderán degustar a tradicional merluza de pincho preparada en diversas elaboracións, nun ambiente festivo que se completará con animación musical para gozar dunha noite de sabor, encontro e bo ambiente.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
