Nota de prensa
A conselleira do Mar clausurou en Celeiro as XVI Xornadas técnicas de difusión do sector pesqueiro
A CONSELLERÍA DO MAR CREARÁ UN GRUPO DE TRABALLO NO SEO DO CONSELLO GALEGO DE PESCA PARA AVALIAR A NOVA PROPOSTA DA PCP
Rosa Quintana destacou o gran valor deste encontro ao plasmar no seu programa os puntos a debate da redacción final da nova Política Común de Pesca, que será a que marque o futuro porvir do eido marítimo
Celeiro, 12 de novembro de 2011.- A Consellería do Mar creará un grupo de traballo no seo do Consello Galego de Pesca co fin de poñer en común e consensuar a opinión e proposta de modificación que Galicia quere facer sobre o documento achegado pola Comisión Europea. Díxoo a conselleira do Mar, Rosa Quintana, durante a clausura das XVI Xornadas técnicas de difusión do sector pesqueiro, celebradas en Celeiro, onde a titular de Mar definiu esta iniciativa como “unha honra e exemplo dun pobo mariñeiro emprendedor e con vocación de futuro como é Celeiro”.
Durante o peche das xornadas, a conselleira salientou a importancia dos investimentos a bordo dos buques pesqueiros, para os que o departamento marítimo destinará o ano que vén 13,7 millóns de euros, o que supón un incremento dun 22%. A conselleira tamén resaltou os preto de 28 millóns que o seu departamento destinará para o reforzo das estruturas e orientacións do mercado dos produtos do mar así como a importancia do desenvolvemento da investigación, para o que o seu departamento aumentará nun 8% o orzamento do vindeiro ano.
Rosa Quintana destacou o gran valor destas xornadas ao plasmar no seu programa os puntos a debate da redacción final da nova Política Común de Pesca, que será a que marque o futuro porvir do eido marítimo. A conselleira destacou a relevancia deste encontro para tratar o estado actual do sector marítimo-pesqueiro e as súas posibilidades de orientación. Neste sentido, a conselleira fixo fincapé na reelaboración das táboas input-output da pesca galega, que permitirán avanzar de forma decidida no carácter aplicado das investigacións e nas implicacións das decisións ambientais.
Ao final da intervención, a conselleira animou a seguir o exemplo de Celeiro “onde a unión e a vontade de avanzar serviron para crear un porto puxante”. Rosa Quintana rendeulle unha pequena homenaxe ás xentes do mar de Celeiro e ofreceulle todo o seu apoio xa que “compartimos un elemento común de chegar ao futuro sen perder a referencia do pasado”, dixo a conselleira.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
