Nota de prensa
A CIG ENSINO CRITICA DE NOVO A TARDANZA DA CONSELLARÍA NO PAGO DOS COMEDORES ESCOLARES
A Consellaría adebedáballe aos centros case catro meses
A Mariña, 19 de decembro de 2011.- A CIG Ensino quere denunciar novamente os atrasos da Consellaría de Educación no pago das cantidades asignadas aos gastos dos comedores escolares dos centros de ensino da Mariña. A Consellaría levaba sen pagar –ata o venres pasado- os meses de setembro, outubro, novembro e o que levamos de decembro, cando o normal é facer o pago mensualmente. Isto mesmo xa ocorrera ao final do curso pasado cando a Consellaría levaba desde abril sen pagar e parece que o tomou como algo habitual.
A portavoz do sindicato, Dores Fernández Abel, afirma que esta situación totalmente anómala está provocando que moitos centros se atopen con graves dificultades para poder pagar aos seus provedores. “Á maioría dos centros debíaselles entre 10.000 e 20.000 euros pero hai casos aos que se lles debía máis de 40.000 euros. Desta maneira os centros vense moi prexudicados na súa contabilidade e na súa imaxe”. Tanto é así, que algúns centros diante da imposibilidade de pagar teñen que pagar como poden, producíndose un desfase orzamentario á hora de pechar as súas contas con motivo do fin de trimestre.
Para a CIG Ensino esta situación é inxustificable posto que as cantidades para comedores escolares xa están asignadas nos Orzamentos da Xunta a principios de ano e polo tanto están dispoñibles en todo momento por parte da Consellaría. E ao mesmo tempo é unha actuación irresponsable posto que moitos provedores non poden esperar a que os centros de ensino lles paguen con tantos meses de atraso porque o están pasando mal nas circunstancias de crise na que estamos. “Hai a empresas de provedores que se lles debe máis de 10.000 euros, consecuencia dunha administración irresponsable e incompetente”, afirma Fernández Abel.
O mesmo está a ocorrer cos fondos europeos destinados aos programas educativos e formativos que imparten os centros de ensino que deberían estar ingresados xa na súa totalidade e que a punto de rematar o ano aínda só se efectuaron o 30% do total. “Estamos a falar de cantidades entre 6.000 e 15.000 euros que os centros necesitan para dar unha ensinanza de calidade e cumprir cos obxectivos dos programas europeos. Onde están estes fundos ou é que pensan retiralos tamén como fixeron coa gratuidade dos libros de texto, as axudas á normalización lingüística e tantas outras cousas?” pregúntase a CIG.
A CIG Ensino acusa á Consellaría de estar continuamente deteriorando a imaxe do ensino público e o seu normal funcionamento, Neste caso, recortando ano tras ano as cantidades para comedores escolares e atrasando sen xustificación o pago desas cantidades poñendo en apuros aos centros de ensino da comarca. Por iso, lle esiximos o pago a mes vencido aos centros de ensino das cantidades por concepto de comedores escolares así como as do Fondo Social Europeo, e que non se retrase por sistema o seu pago tres ou catro meses.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
