Nota e prensa
Besteiro e Basadre entregan un CD gravado pola Fundación TIC ós 33 grupos musicais participantes en “Xoves con Arte”
– O traballo discográfico, que recolle unha peza de cada agrupación, foi financiado pola TIC e elaborado nos estudos do produtor lucense Arturo Vaqueiro coa colaboración de técnicos e bolseiros da Fundación dependente da Deputación
– Os grupos, de estilos musicais moi variados, terán a oportunidade de ofrecer actuacións na rúa todos os xoves, despois do Nadal, para presentar as súas creacións e poñer á venda os CDs. Para elo, contarán co apoio técnico e audiovisual da Fundación TIC
O Presidente da Fundación TIC e da Deputación, José Ramón Gómez Besteiro, e a Concelleira de Xuventude lucense, Carmen Basadre, fixeron entrega este venres no salón de actos do Pazo de San Marcos dun álbum musical ós 33 grupos participantes do programa “Xoves con Arte”, que ten por obxectivo impulsar as novas bandas musicais da cidade ou que dispoñen de poucos recursos para promocionar os seus traballos. Está previsto que tralo acto de entrega as agrupacións musicais ofrezan un concerto no que toquen varias pezas do traballo discográfico, mesturando estilos pop, rock e música galega.
Os máximos responsables da Fundación TIC e do Concello ofreceron ós mozos artistas o seu apoio para darlle continuidade a estes espectáculos co obxectivo de dar a coñecer ó público lucense a súa música e de paso ter un punto de venda onde se poida mercar o disco. De aceptar, as actuacións desenvolveríanse todos os xoves, unha vez pasadas as vacacións de Nadal, nas prazas máis emblemáticas da cidade de Lugo. Ademais, para este cometido contarán coa colaboración da Fundación TIC, que prestará o material técnico e audiovisual necesario e de última xeración para facer posible que a música dos artistas soe coa mellor calidade e poidan ofrecer unha excelente posta en escena. Neste senso, bolseiros e alumnos da Escola de Imaxe e Son gravarán os concertos para a súa difusión e poñer en práctica os coñecementos adquiridos no único centro da provincia que imparte ensinanzas no eido audiovisual, ademais de servirlles como experiencia real que facilite o seu futuro laboral, primordial obxectivo da Fundación TIC.
Álbum de calidade
O disco “Xoves con Arte” está composto por dous CDs que recollen un total de 33 temas de diversos estilos musicais. A Fundación TIC financiou o traballo, gravado e editado coa axuda de técnicos e bolseiros da Fundación TIC nos estudos profesionais de “Abrigueiro”, baixo a dirección do produtor e compositor Arturo Vaquero, aspirante a un Goya no 2010 á mellor canción orixinal polo filme “Agallas”.
Os grupos lucenses que protagonizan o álbum son os seguintes: Alberto Busto, Blö, Brea Sound System, Bristol, David Taboado & ASOC, High Sky, Mentirosos, Mullet, Zinc So!, Aro Arrhythmia, Atup-Lekar, Janie’s Gun, Lastway, Meskalina, Moondogs Blues Party, Pants off. Psicodelepsia, Ripper Ground, Sally the Aracnophobic, Shattered Mirror, Xenro, Airiños de Orbazai, Andaina, Arrincadeira Folk, Batital, Caivanca, Pastillas Mamut, S3, Safari Orquestra, Telémaco e Zrutablism.
Apoio ós artistas da provincia
Esta non é a primeira ocasión que a Fundación TIC presta a súa colaboración cos músicos da provincia de Lugo. Proba delo foi a gravación de varios vídeos musicais como “Torres de Compostela”, da eurovisiva Lucía Pérez, que contribuíu á promoción da provincia de Lugo, ou “La búsqueda” e “New conclusions”, dos grupos ribadenses “Escala Dinker” e “Sun Face”, ademais do grupo do Incio “Arandela”, de música tradicional, entre outros. Tamén prestou apoio en varios festivais de música como o “Resurrection Fest 2011” e “Hardcore Assault! de Viveiro ou o da Canción do Landro, tamén no municipio vivariense, que se celebrou este verán e que a TIC gravou para difundir en “V Televisión” e na segunda canle da TVG.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
