Nota de prensa
Augas de Galicia limpeza das bacías de máis de 6 quilómetros de 6 cursos fluviais da Mariña lucense.
Medio Ambiente destinará 2,3 millóns euros para o período 2012-2013 nos novos contratos de limpeza da zona norte, centro e sur de Galicia-Costa
A XUNTA DE GALICIA INVESTIU MÁIS DE 83.000 EUROS NA LIMPEZA DE MÁIS DE 6 QUILÓMETROS DE CURSOS FLUVIAIS NA MARIÑA LUCENSE
- A Consellería de Medio Ambiente destinou un total de 1,6 millóns de euros, no período 2010-2011, nos contratos de limpeza de bacías das provincias da Coruña, Pontevedra e Lugo
- As tarefas que se levaron a cabo tiveron por obxectivo potenciar os aspectos ambientais e estéticos do entorno fluvial mediante labores de limpeza, conservación e mantemento das zonas de servidume dos ríos
- Outra das labores realizadas por Augas de Galicia foi a inspección, alerta e previsión de enchentes dos ríos, co fin de manter as condicións naturais do ecosistema
Santiago, 17 de decembro de 2011.- A Xunta de Galicia, a través da Consellería de Medio Ambiente, Territorio e Infraestruturas, e do organismo autónomo Augas de Galicia levou a cabo no período 2010-2011 a limpeza das bacías de máis de 6 quilómetros de 6 cursos fluviais da Mariña lucense. Augas de Galicia destinou uns 83.000 euros no acondicionamento da zona norte da Demarcación Hidrográfica Galicia-Costa.
Cómpre engadir que a Consellería de Medio Ambiente investiu un total de 1,6 millóns de euros, no período 2010-2011, nos contratos de limpeza das bacías das provincias da Coruña, Pontevedra e Lugo.
As tarefas que se levaron a cabo tiveron por obxectivo potenciar os aspectos ambientais e estéticos do entorno fluvial mediante labores de limpeza, conservación e mantemento das zonas de servidume dos ríos, así como a mellora das zonas de acceso aos mesmos. As labores principais que se levaron a cabo foron:
- Limpeza de escombros, residuos sólidos das zonas de servidume e accesos
- Eliminación de obstrucións nos leitos provocadas por árbores caídas
- Reparación de muros de formigón, azudes e outras estruturas existentes que puideran resultar danadas por efecto das enchentes
- Reparación de vaos e pasos a nivel dos ríos
- Labores de conservación de áreas de descanso e pistas de acceso a leitos e servidumes de paso
- Preparación e colocación de sacos terreiros en defensas de marxes e prevención de desbordamentos
Outro dos labores realizadas por Augas de Galicia foi a inspección, alerta e previsión de enchentes dos ríos, co fin de manter as condicións naturais do ecosistema. Os ríos nos que se levaron a cabo as labores de limpeza na provincia de Lugo foron:
| RIO | CONCELLO | LONXITUDE (ml) | IMPORTE |
| RIO OURO | Alfoz | 1.542 | 12.405,83 |
| FIGUEIRIDO | Cervo | 17.796,76 | |
| VARIOS | Cervo | 31.132,22 | |
| BAOS | Lourenza | 280 | 415,59 |
| CARVALLO | Mondoñedo | 2.030 | 9.541,68 |
| LANDRO | Viveiro | 2.500 | 11.373,65 |
| TOTAL | 6.352ml | 82.665,73€ |
Contrato de limpeza de ríos 2012-2013
A Consellería de Medio Ambiente, Territorio e Infraestruturas, a través de Augas de Galicia, investirá máis de 2,3 millóns de euros nas limpezas das bacías da zona norte, centro e sur da demarcación hidrográfica de Galicia-Costa para o período 2012-2013. Na zona norte destinaranse 858.785 euros, na zona centro serán 845.933 e na sur 609.704 euros. Os contratos terán unha vixencia de 24 meses.
A inversión prevista supón unha demostración do esforzo que está a realizar a Consellería de Medio Ambiente na conservación e recuperación do entorno fluvial do territorio galego, para así repercutir nun mellor aproveitamento dos lugares de lecer próximos aos ríos por parte dos veciños.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
