O campionato de bolos de Xove interrompese polo Nadal ata o 14 de xaneiro

Nota de prensa

XXIIIª TIRADA DE BOLOS – XIIª SUB 16 –  IIIª LIGA FEMININA

(TEMPORADA  2011/2012)

Organiza:    Concellería de Cultura do Concello de Xove

Colaboran: IES Illa de Sarón de Xove

INCIDENCIAS DA 9ª  TIRADA

(Campo Municipal de Fútbol de Xove – Sábado, 3 DECEMBRO 2011)

Esta Tirada tíñase que celebrar no campo do Centro Social de Sumoas, debido a que foi obxecto de obras por parte do Concello, xa que no mesmo se construiu unha nova bolera. Esta non está inda en condicións para súa utlización, debido a que está recén prantada, e hai que deixar que a herba do mesmo se consolide e esté máis densa. Esta é a razón pola cal a última tirada da primeira volta a tivemos que realizar, non en Sumoas, senón no campo de bolos do Campo Municipal de Fútbol de Xove,  o cal estaba en perfecto estado.

-Tarde moi agradable e campo en perfectas condicións. 40  inscritos, 24 na Liga Senior e 9 na Liga Feminina e 4 na Liga Sub 16.

Liga Senior Masculina.- Gran actuación do líder Arturo Vigo, quen conseguiu o seu segundo trunfo nesta temporada, afianzando o seu liderato con 76 puntos, aumentando a diferenza a 24 sobre Francisco  Pérez, segundo con 52. A terceira posición accede por primeira vez na tempada César Cancelos, con 39 puntos, despois de realizar dúas magníficas tiradas, cun primeiro e un segundo postos en Morás e esta última. Ginés Rodríguez continúa 4º con 37 puntos, e José Rafael González cae á quinta posición con 36, posición que comparte con Omar Cabrera.

Liga Senior Feminina.- Terceira victoria consecutiva da vixente campiona, o cal lle permite acceder ao segundo posto da clasificación con 34 puntos, e detrimento de Belén Meitín que se quedou en 31, non sendo capaz siquer de puntuar. Despois de celebradas as primeiras nove tiradas, o 50% da competición, a cabeza sigue moi apretada, con Carmen Roca liderando con 38 puntos.

Liga Sub 16.- Segunda victoria de Salomé Rodríguez, o que lle permite unha certa folgura na cabeza cunha vantaxe de 5 puntos sobre  Daniel López. Terceiro é Isaias Cardoso, quen está un pouca fallón nestas últimas tiradas, rendendo por debaixo das súas posibiliades. Así e todo, despois de pechada a primeira volta, estes tres xogadores vanse disputar con toda probabilidade os tres primeiros postos finais.

Remata esta tirada, agora temos un descando durante todo o Nadal, reiniciando o campionato o vindeiro ano, concretamente o SÁBADO 14 DE XANEIRO NO CENTRO SOCIAL DE LAGO.