Nota de prensa
OS SOCIALISTAS CUALIFICAN AS POLÍTICAS DO PP NA XUNTA DE LETAIS PARA A MARIÑA LUGUESA
Ismael Rego afirma que esta comarca estivo ausente dos Orzamentos da Xunta nos tres anos de goberno Feijóo
O parlamentario socialista acusa ao PP de ser cómplice da abandono do investimento da Xunta na comarca e dos conselleiros de Industria e Traballo, que só manifestaron dilixencia na aprobación dos EREs presentados ou anunciados por Mobles Hermida ou ECAR
Os socialistas propoñen un Plan de Choque que contemple a volta ao investimento público e a dinamización da iniciativa privada
Santiago, 26 de decembro de 2011. O parlamentario socialista, Ismael Rego, ven de cualificar as políticas do PP na Xunta de “letais para a Mariña Luguesa”. O deputado socialista denunciou que nos últimos tres anos esta comarca estivo “ausente dos Orzamentos da Xunta”.
Para Ismael Rego, o Goberno galego está presidido pola incompetencia e a falta de compromiso cos sectores produtivos básicos desta zona. Amosou de exemplo o non ter aceptado ningunha das emendas dos Socialistas de Galicia ós Orzamentos de 2012, deixando á Mariña “sen ningún investimento público relevante”.
Critica tamén este parlamentario as “políticas de brazos caídos” tanto dos responsables da consellería de Industria como dos da de Traballo no relativo ás crises de Mobles Hermida e de ECAR, nos concellos de Lourenzá e Mondoñedo.
Para o único que mostraron dilixencia Guerra e Mato foi, a xuízo de Rego, para a aprobación e apoio dos EREs presentados ou anunciados polas empresas.
PP CÓMPLICE
O deputado Ismael Rego considera ao PP cómplice desta situación “tan lesiva para os intereses do conxunto da cidadanía dunha das comarcas económica e socialmente máis dinámicas de Galicia”.
Para Rego, o PP “limítase a apoiar a deixación e a parálise do Goberno galego”, impedindo tamén a posibilidade de calquera tipo de iniciativa que proveña dos grupos da oposición.
DESMOTIVACIÓN DOS EMPRENDEDORES
Rego afirma que a falla de investimentos públicos por parte da Xunta na Mariña crea “desmotivación no investimento privado”.
Isto trae como consecuencia as durísimas cifras de destrución de emprego na comarca”, para as que non se atopan precedentes.
PLAN DE CHOQUE
Os socialistas reclaman con urxencia a elaboración e posta en marcha por parte do Goberno galego, en colaboración coas Entidades Locais e os axentes económicos e sociais da Mariña, un Plan de Choque para abordar a situación.
Este plan debe contemplar a volta ao investimento público e á dotación de incentivos para dinamización e apoio do investimento privado.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
