Untamanteigas
Como no 96, agora virá (aparentemente) a calma. De novo o PP logrou o seu obxectivo. Mariano Rajoy, por moito que lle poida proer a algúns do seu partido, xa é presidente do goberno. Non é que albergue moitas esperanzas pero, aínda que sexa por cortesía, vaian por diante os meus desexos de acerto no seu labor de goberno. Corren malos tempos e hanos facer boa falta sabedoría e prudencia na acción de goberno. Tamén sería de desexar no seu contorno. Pero pintan bastos.
Xa o martes puidemos comprobar como na nova do trixésimo aniversario da constitución do Parlamento Galego se lle daba máis protagonismo ao señor Rajoy que a outras persoas que participaran no mesmo e que desempeñaran un papel moito máis relevante que o seu en dito acto inaugural. Pero todo sexa facerlle as beiras ao novo señor. Por certo, que foi da prima aquela dun tal Risco? E dos prazos do AVE? Morra o conto, rapaz; déixate de lerias, que agora tocan outras cousas. Ou ti non entendes?!
Non contentos con nos querer facer tragar unha cunca de caldo ás atregoadas, e con unto ben rancio, aínda para mesmiño despois da investidura do señor Rajoy tíñannos preparados uns callos de vaca vella (e ben vella). Velaí ao primeiro galego presidindo o goberno español. Toque a rebato: todos firmes! A partir de agora, todo resolto para o noso país. Que temos recomendación! Trifásico!!! Pero é que xa non lembran ao señor Calvo Sotelo? Non é que queira caer en localismos barateiros e estériles, pero non se pode ignorar un dato tan básico. Sobre todo, cando hai pouco tempo se cubriu a noticia do seu pasamento dando cumprida información do seu labor como presidente do goberno aló polos anos 81 e 82.
Este é un dos graves problemas ao que se pode ter que enfrontar todo gobernante. Os untamanteigas que che enchen a cabeza de vento, fanche a rosca, pásanche a man polo ombreiro e ólenche os peidos. É tan deprimente o ambiente que conseguen crear no seu contorno que podes acabar vendo ôhilillos de plastilinaö onde todo é chapapote. Mesmo poden lograr que un paisano teu te escoite dicir aquilo de que o barco vai aló no quinto pino e o vexa á beira da súa casa. Non creo que faga falla borrar o pasado para dignificar o presente. Ben orgullosos poden estar do señor Rajoy no PP, pero non queiran reescribir a historia.
Farruco GRAÑA
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
