Concepción Piñeiro, cuarta clasificada, consigueu a súa primeira vitoria na senior feminina

NOTA DE PRENSA

XXIIIª TIRADA DE BOLOS – XIIª SUB 16 –  IIIª LIGA FEMININA

(TEMPORADA  2011/2012)

Organiza:    Concellería de Cultura do Concello de Xove

Colaboran: IES Illa de Sarón de Xove

INCIDENCIAS DA 14ª  TIRADA

(CENTRO SOCIAL DE O CRUCEIRO – Sábado, 11 de febreiro de 2012)

Liga Senior Masculina.- Na pelexa polos postos de cabeza, cun Arturo Vigo líder prácticamente inalcanzable con 105 puntos, gran Vitoria de Francisco Pérez, o cal lle permite afianzarse na segunda posición con 81 puntos, cunha xa ampla renda de 13 puntos sobre José Rafael González, terceiro con 68 puntos. Por detrais, a espera que fallen os de cabeza, Sócrates Campo con 62 puntos e  Omar Cabrera con 58. Xa máis alonxados,  pero inda con posibilidades de acceder á terceira praza -xa que a primeira e a segunda son cáseque imposibles- temos un grupo de xogadores orredor dos cincuenta puntos  e no que están César Cancelos, Marcelino Rodríguez, Ginés Rodríguez, Jose Vigo e Luis Rancaño.

Liga Senior Feminina.- Sorpresa nesta categoría na que Concepción Piñeiro, cuarta clasificada, consigueu a súa primeira Vitoria. Das tres primeiro clasificadas, Carmen Roca só puido ser cuarta e Belén Meitín quinta. Así e todo,  Carmen Roca consolida o seu liderato con 59 puntos, seguida por Belén con 52 e Dolores Baño con 48.

Liga Sub 16.- A terceira vitoria consecutiva de Salomé Cardoso prácticamente liquida o campionato, xa que a falla de catro tiradas, con 28 puntos máximo por disputar cada xogador, Salomé con 72 puntos sácalle 20 puntos aos seus inmediatos perseguidores, Daniel López e Isaias Cardoso, émbolos dous con 52 puntos. Polo tanto, de aquí ao final, a Salomé chégalle con manter a distancia, podendo permitirse incluso varios fallos para poder gañar o seu segundo torneo consecutivo. Daniel e Isaias terán que pelexarse entre eles para ver quen queda segundo.

Esta semana non teremos tirada, xa que se suspende pola celebración do antroido.

Polo tanto, a vindeira tirada terémola o SÁBADO 25 DE FEBREIRO NO CAMPO DO CENTRO SOCIAL DE A VARA, NA PARROQUIA DE XUANCES.