O alcalde de Barreiros di que a mellora do saneamento e o abastecemento creará moitos postos de traballo

Nota de prensa

ALFONSO FUENTE TILDA DE BOA NOVA A APROBACIÓN DEFINITIVA NO CONSELLO DA XUNTA DOS PROXECTOS SECTORIAIS PARA A MELLORA DO SANEAMENTO E DO ABASTECEMENTO NO CONCELLO. O REXEDOR CONSIDERA QUE A LICITACIÓN DESTES TRABALLOS SUPORÁ A CREACIÓN DE MOITOS POSTOS DE TRABALLOS NOS VINDEIROS DOUS OU TRES ANOS.

Barreiros, 9 de marzo de 2012. O alcalde de Barreiros, Alfonso Fuente, tilda de boa nova a aprobación definitiva no Consello da Xunta dos proxectos sectoriais para a mellora do saneamento e do abastecemento no concello. O rexedor considera que a licitación destes traballos suporá a creación de moitos postos de traballo nos vindeiros dous ou tres anos e lembrou que Barreiros foi castigado políticamente polo bipartito da Xunta.

Para Alfonso Fuente “unha vez máis queda constatado o apoio da Xunta a este concello con estes proxectos sectoriais. Esta aprobación de onte é o paso definitivo para que se poidan licitar esas obras. Da súa licitación encargaráse Augas de Galicia para que logo empece a súa execución. É posible que ao longo deste 2012 poidamos ver xa traballos feitos no noso concello e durante o 2013 seguiránse desarrollando. O investimento, tal e como se ven comentando desde hai moito tempo, ronda os 14 millóns de euros”. O rexedor indicou que “onte aprobáronse definitivamente dous proxectos sectoriais que son os de mellora e ampliación das infraestructuras básicas de saneamento e de abastecemento, pero aínda queda un terceiro que é o da infraestructura viaria, que está en fase de tramitación”.

O rexedor barreirense fixo un repaso dalgunhas das obras que inclúen estes dous proxectos sectoriais, “a construcción dunha nova EDAR en San Cosme, así como unha nova EDAR en San Miguel, a execución dun bombeo en Sarxende e en Reinante, e tamén unha nova ETAP en Rexa, un novo depósito cabeceira en Celeiro e unha nova ETAP na Barranca. É unha obra moi importante na que levamos traballando moito tempo. Hai uns prazos que cumprir, é certo que se foron dilatando no tempo, de feito o presidente da Deputación de Lugo decía que a tramitación estaba a ser moi longa e que desconfiaba que se levara adiante. Él ten que saber que hai uns prazos e un proceso e a aprobación onte no Consello da Xunta é o fin, agora só queda licitar e adxudicar estas obras”.

Luz ao final do túnel

Alfonso Fuente Parga manifestou que “a luz empezamos a vela hai algún tempo. No 2006 foi cando máis negro o vimos porque a Xunta do bipartito decidiu suspender as normas no noso concello, no 2007 publicaron unha normativa transitoria e tivo que ser no 2009 co cambio de goberno cando se empezou a traballar en serio en Barreiros. Se firmou un convenio no 2010, no 2011 levóuse adiante toda a tramitación deses proxectos e agora este ano se fai esa aprobación definitiva”.

O alcalde considera que “hai dúas formas de gobernar, de costas aos concellos ou de cara aos concellos. Éste é un exemplo dun apoio claro da Xunta a un concello que foi castigado políticamente, non había base legal ningunha, simplemente se castigou a un concello porque gobernaba un color político distinto ao que estaba na Xunta”. E sinalou que “nos vindeiros meses imos ver unha serie de obras, todas son a envexa de calquera alcade porque veremos mellorada toda a rede de abastecemento e a rede viaria. Vai ser unha realidade e durante este mandato quedará lista e poderemos disfrutala todos os veciños de Barreiros. Insisto, serán todos os veciños os que a disfruten, porque moito se leva oído de que só será para uns poucos. Cando se fai unha rede de saneamento ou unha rede viaria aínda non vin nunca unha carretera que se fixese só para uns poucos, aínda non vin nunca unha rede de abastecemento de auga que se fixera só para uns poucos… neste caso estamos diante dunha boa nova”.

Recuperación económica

Fuente Parga subliña que “as obras de mellora do saneamento e abastecemento de Barreiros suporán a creación de moitos postos de traballo nos vindeiros dous ou tres anos. Calquera empresa que veña realizar estas obras terá que contar con persoal, vai xenerar postos de traballo tanto directos como indirectos, xa que o sector servizos que atendía a todo este persoal tamén xeneraba postos de traballo. É unha boa nova nun momento delicado como o que estamos a vivir”.

O rexedor barreirense advirte que “o Concello pasará dous anos difíciles, pero si esta obra se pon en marcha ese período se pode acortar. A recuperación económica no noso Concello pode ser menor porque fíxose o que había que facer, se actualizaron unha serie de ordenanzas e agora teremos o apoio do goberno do Estado para poder anticipar o pago a proveedores. Barreiros non ten deuda con entidades financieiras, co que a recuperación económica será moito máis rápida e podería producirse incluso antes deses dous anos dos que falaba antes”.