A Concellería de Cultura de Lourenzá, co gallo do Día do Libro, vén de levar a cabo neste 23 de abril, unha nova actividade que serve como peche ás diferentes conmemoraciónes que se realizaron neste mes de abril, “renomeado” como “o mes dos libros”.
As actividades deran comezo o día 2 do presente mes, no que se celebrou o “Día Internacional do Libro Infantil”; continuaron o pasado xoves, 19, coa conferencia de Emilio José Ínsua López, titulada “A sociedade de instruccción VIVERO Y SU COMARCA. Unha cala no papel dos indianos no panorama educativo e cultural do seu tempo”, que chegou ao noso Concello a través da Consellería de Cultura, Educación e Ordenación Universitaria, no seu programa de actividades para Bibliotecas, denominado “Letras Vivas”, no seu apartado de Creación.
Finalmente, no día de hoxe, e servindo como peche na data máis importante para o libro, “23 de abril: Día Internacional do Libro e dos Dereitos de Autor”, vimos de poñer en marcha unha experiencia no noso Concello, denominada “bookcrossing”, unha “solta ou liberación simbólica de libros”, que consiste en deixar libros en lugares públicos, para que as persoas que os atopen, os poidan ler e desfrutar, para, unha vez rematados, volver soltalos e que sigan o seu percorrido polo mundo. Nesta ocasión, a experiencia realizouse con títulos dirixidos a público infantil e xuvenil, que se liberaron en diferentes lugares do Concello.
A escolma de exemplares que se “liberaron”, realizouse coa colaboración da Biblioteca Pública Municipal “Juana de Ibarbourou” e a Biblioteca Escolar do C.E.I.P. “Juan Rey” de Lourenzá.
A finalidade última desta actividade é a de fomentar o hábito lector dende as máis tenras idades, coa idea de que o gusto pola lectura se manteña ao longo de toda a vida; presentando os libros fóra de lugares onde é habitual atopalos,
xa que a “liberación” dos mesmos pódese producir en calquer lugar ou espazo público.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
