NOTA DE PRENSA
A Deputación aproba os derradeiros trámites das obras da praia fluvial de Lugo que financia con 500.000 euros
– A Xunta de Goberno acordou a modificación do proxecto de construción do pioneiro parque infantil cuberto, permitindo ó Concello de Lugo iniciar as súas obras xunto ás dos vestiarios
– O Goberno Central bloquea os traballos da zona de baño, tamén adxudicados polo organismo provincial, ó non conceder o permiso imprescindible para que o municipio lugués os execute
– A sesión acordou as derradeiras obras do canon en Carballedo, liquidando este débeda histórica cunha ducia de actuacións para as que a Deputación achegou máis de 581.000 euros
A Xunta de Goberno aprobou este luns a modificación do proxecto de construción do parque infantil cuberto, que se situará detrás do Pazo de Feiras e Exposición da capital lucense. Os cambios consisten na apertura polos laterais desta infraestrutura de 21 metros de largo por 14 metros de ancho e totalmente acristalada, sendo a primeira destas características na cidade. Trátase do derradeiro e único trámite que tiña pendente por resolver a Deputación dentro das actuacións previstas para a creación da praia fluvial de Lugo, financiada na súa totalidade polo organismo provincial con 500.000 euros.
Deste xeito, o voceiro provincial socialista, Manuel Martínez, explicou que o Concello de Lugo, responsable da execución das obras, pode iniciar ditos traballos, dotados de 214.975 euros, ó igual cos dos vestiarios de 36.703 euros. Na actualidade, o municipio lugués está a ultimar no contorno do Miño as actuacións de 39.440 dun pequeño parte infantil mentres está á espera de que o Goberno Central, concretamente o Ministerio de Medio Ambiente, lle conceda o permiso imprescindible para poder iniciar as da zona de baño, financiadas con 208.880 euros.
Todas estas obras enmárcanse dentro do convenio do Plan Extraordinario de Obra Pública mediante o cal a Deputación achegou ó Concello lucense 1 millón de euros para, ademais da construción da mencionada praia fluvial, a pavimentación das rúas Ronda de Fingoi, Avenida da Coruña e Paulo Fabio, traballos doutros 500.000 euros xa finalizados.
Liquidando o canon
Na sesión, aprobáronse as derradeiras actuacións en Carballedo con cargo ó canon, liquidando esta débeda histórica en dito Concello con produción hidroeléctrica e sen sentenza favorable. Estas consisten no remate dos traballos de rexeneración nas estradas Gustei-Mazaira e Buxelle por valor de 2.425 euros. En total e mediante este Plan, a Deputación investiu en Carballedo 581.098 euros cos que se acondicionaron as vías: Porto-Bucillos e Cea-Surrego-Buciño; Coedo-Loureiro-Casagrande-Corna; Agra-Matanza e Furoco-Abelairas-Penasalbas; Ermida-Milleiro e Cartelo-Lobelle de Riba; Peares-Galegos e Eirexe-Castro-Pubieiros; Rubiás-Pereiro, Revelle e Fente-límite con Chantada; Piñeiro-Vilaquinte e Pradeda de Baixo e de Arriba; Corveira de Baixo e de Arriba-Eirexe-Aguada de Riba; Vila-Castro-Morgade-Outeiro; e Cambillán-Airoá.
Tamén con respecto ó canon, a Xunta de Goberno acordou os Plan de Seguridade e Saúde no Traballo, derradeiros trámites para poder iniciar de xeito inmediato as tamén derradeiras obras con cargo o canon no Concello de Sober. Trátanse das pavimentacións nos accesos a Merla, San Cosmede, San Pil e zona verde Rosende por valor 38.160 euros, así como nos accesos de Gullufre-Os Ancares e Os Corgos de 46.426 euros.
Outros acordos
A Xunta de Goberno aprobou a renovación do convenio con Novagalicia Banco para a recadación dos impostos do IBI, IAE, ICV, taxas de auga, lixo, sumidorios ou antenas parabólicas que 62 Concellos da provincia teñen delegado na Deputación, aforrando miles de custes. Por exemplo, a compra de aplicacións informáticas que custan entre 200.000 euros e 1 millón de euros ou a contratación dunha empresa exterior con persoal técnico-xurídico especializado. Con este servizo, a Deputación garante ós municipios novos ingresos todos os meses xa que lles adianta o pago destes impostos que, en moitos casos, non chegaban a cobrar na súa totalidade, supoñendo unha importante inxección económica.
Por outra banda, a sesión acordou as contas xustificativas de 2 obras do Plan de Comunidades Veciñais, executadas nos Concellos de Muras e Vilalba por valor de 18.315 euros dos que o organismo provincial achegou 13.704 euros; así como o pago de 3.371 euros pola expropiación de 27 fincas para a execución das obras de mellora nas estradas de Carrizal-Moncelos, na Pastoriza, e Seone-Tor, en Monforte de Lemos
Remitido
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
