O SECTOR PESQUEIRO EXPÚXOLLE AO GOBERNO CENTRAL AS SÚAS INQUEDANZAS E O DIRECTOR GENERAL DE MARINA MERCANTE COMPROMETÉUSE A TELAS EN CONTA. PATRICIA LÓPEZ ASEGURA QUE O EQUIPO DE GOBERNO SEMPRE ESTARÁ AO LADO DAS REIVINDICACIÓNS QUE PLANTEXEN.
Burela, 20 de abril de 2012. A concelleira de Mar, Patricia López Eijo, valorou de xeito positivo o encontro que mantiveron o director general de Marina Mercante e o director de Salvamento Marítimo con representantes da confraría de pescadores de Burela e de ABSA. O sector expúxolles as súas inquedanzas e os representantes do goberno central comprometéronse a telas en conta. López Eijo fixo fincapé no peso que ten o porto de Burela na pesca deste país e asegurou que o equipo de goberno sempre estará ao lado das reivindicacións que plantexe.
A concelleira de Mar dixo que “se trataba de ter unha primeira toma de contacto entre o sector pesqueiro de Burela e as máximas autoridades en materia de marina mercante e de salvamento marítimo do goberno central para darlles a coñecer aquelas inquedanzas máis importantes que agora mesmo están preocupando ao sector e que son de competencia do goberno central”.
López Eijo sinalou que “a inquedanza máis importante que existe agora mesmo dentro do sector é o problema das titulacións e a coordinación co resto dos países da Unión Europea dos requisitos para poder despachar os barcos que faenan en augas comunitarias. Esta é unha vella reivindicación do sector pesqueiro, convén recordar que a regulamentación actual existente en España sobre as titulacións requeridas para poder despachar en barcos de pesca data do ano 1964, xa ten practicamente 50 anos. O que quere o sector é plantexar a necesidade de que se axilicen os trámites e de que se requiran aquelas titulacións que se consideran realmente imprescindibles para poder despachar os barcos”.
A edil de Mar valorou de xeito positivo ese encontro “o director general de Marina Mercante comprometeuse a escoitar e a ter en conta as peticións que desde o sector pesqueiro fagan e recoñeceu evidentemente a importancia que o sector pesqueiro de Burela ten dentro do ámbito pesqueiro da comunidade autónoma galega”.
O equipo de goberno entende que “xa non só se tratou de facer unha visita institucional a Burela por parte do director general de Marina Mercante e o do director de Salvamento Marítimo para coñecer as instalacións da futura sede de Capitanía Marítima, senón que ao mesmo tempo foi importante manter esta reunión, esta primeira toma de contacto entre o sector e os representantes do goberno central, como non podía ser doutro xeito, reunión que, por certo, foi propiciada e organizada desde a Alcaldía”.
Patricia López Eijo engadiu que “coma sempre, tanto desde a Alcaldía como desde o equipo de goberno somos moi sensibles coas peticións que fai o sector pesqueiro, porque Burela vive do que vive e aí está o porto, que o ano pasado facturou 74 millóns de euros en venta directa. E por suposto o equipo de goberno sempre vai estar ao lado das reivindicacións que o sector pesqueiro faga, que ademáis neste caso entendemos que son perfectamente razonables”.
Remitido
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
