EN RESPOSTA AO BNG, O GOBERNO NON PORÁ EN FUNCIONAMENTO O CENTRO DE DÍA PARA PERSOAS CON DISCAPACIDADE EN BURELA ALEGANDO FALTA DE DEMANDA DE PRAZAS
O deputado do BNG, Manuel Parga Núñez negou que non exista esta demanda e afirmou que o propio alcalde de Burela solicitou a posta en marcha do centro porque hai persoas no concello que o precisan
Santiago de Compostela, 19 de abril , 2012. O parlamentario do BNG, Manuel Parga Núñez formulou hoxe unha pregunta parlamentaria en comisión sobre os motivos que impiden a apertura do centro de día de atención a persoas con discapacidade no Concello de Burela.
Na súa intervención, o nacionalista afirmou que o centro dependente da Fundación “Eu son” conta con 20 prazas autorizadas, dotacións e permisos pertinentes para a súa apertura, sen embargo, a día de hoxe,-dixo-, “o centro segue sen funcionar”.
Trala resposta da secretaria Técnica de Servizos Sociais, Coro Piñeiro que xustificou non abrir o centro ante a “nula demanda” de persoas con discapacidade psíquica para a súa ocupación , o nacionalista negou esta circunstancia e recriminou que a Xunta de Galiza “negara un convenio ou concerto” como aconteceu noutros momentos e lugares para a súa posta en marcha.
As persoas afectadas piden axuda da administración pública
O deputado engadiu que, a resposta da titular de Política social “non ofrece moitas esperanzas” a todas aquelas persoas que requiren destes servizos e denunciou que existen casos concretos, “ nos que o centro ocupacional debe atender a persoas doutros concellos da zona”.
Neste sentido, engadiu que hai persoas con parálise cerebral ao cargo de familias que lles resulta imposible económica e asistencialmente atendelos e de aí, insistiu, “a necesidade urxente de axuda da administración pública”.
Promesas electorais non cumpridas
O parlamentario do BNG criticou as promesas electorais do candidato á alcaldía e actuais deputados do Partido popular no Parlamento galego por comprometerse a construír un centro residencial en Burela para persoas con discapacidade psíquica e cualificou de “irresponsabilidade política” non cumprir o seu compromiso.
Parga Núñez lamentou a resposta da Secretaria de Política social e a negativa do Goberno galego para abrir un centro de día que permitiría as persoas, que polas súas capacidades, non puideran participar nos obradoiros se lles negue un lugar onde poder realizar outras actividades qua ademais suporían “un respiro” familiar.
O deputado nacionalista avanzou que o BNG seguirá reclamando a apertura do centro de día para persoas con discapacidade, “centro construído no ano 2010 e equipado con subvencións da Xunta de Galiza e Deputación de Lugo que superaron os 100 mil euros”, concluíu.
Remitido
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
