A REDE MUSEÍSTICA DA DEPUTACIÓN ACOLLERÁ UN OBRADOIRO DE FOTOGRAFÍA PARA PERSOAS INVIDENTES
Antonio Veiga e Encarna Lago presentaron este obradoiro que se desenvolverá entre abril e maio e rematará cunha exposición e un documental que recollerá todo o proceso
Veiga afirmou que “o traballo de inclusión que se desenvolve na Rede Museística non se queda só na eliminación de barreiras físicas, senón que abrangue a realización deste tipo de actividades inclusivas”
Lugo, 19 de abril de 2012. O vicepresidente da Deputación de Lugo, o nacionalista Antonio Veiga, xunto á xerente da Rede Museística Provincial, Encarna Lago, presentaron esta mañá no Museo de Lugo o primeiro obradoiro de “Fotografía a cegas” destinada a persoas invidentes. A través deste obradoiro, que se desenvolverá en abril e maio, sete persoas cegas, coa dirección de catro fotógrafos profesionais e a colaboración dunha terapeuta, aprenderán a técnica da fotografía, e incluso nocións de vídeo, que desembocará nunha exposición en xuño e na elaboración dun documental sobre todo o proceso de aprendizaxe. Esta é unha iniciativa pioneira en Galiza e no conxunto do Estado, tal e como destacou Encarna Lago, de xeito que cobra sentido o que Antonio Veiga explicou referíndose a que “o traballo de inclusión que se desenvolve na Rede Museística da Deputación non se queda só na eliminación de barreiras físicas, senón que abrangue a realización deste tipo de actividades inclusivas”.
Antonio Veiga remarcou que “nós sempre acreditamos que os museos debían ser accesibles a todas as persoas independentemente das súas capacidades físicas” e aproveitou a ocasión para felicitar “a todas as persoas que colaboran na posta en marcha deste proxecto e ás persoas que van a participar nel pola súa ousadía e gañas de aprender nesta iniciativa pioneira”.
Segundo explicou Encarna Lago, o obradoiro “Fotografía a Cegas” desenvólvese nos catro museos da Rede Museística e comezou o pasado 10 de abril cunha xornada de formación para os fotógrafos que van dirixir o obradoiro a cargo da terapeuta Mercedes Cabada, especialista en Arte-terapia, fornecendo aos fotógrafos das claves para proceder á formación teórica e práctica no traballo coas persoas invidentes.
Os días 21 e 27 de abril e 4 e 12 de maio, os fotógrafos Iago Eireos, Germán Limeres, Xosé Reigosa e Antonio López Losada, coa colaboración da propia Encarna Lago, dirixirán os obradoiros nos diferentes museos da Rede, e os días 7, 8 e 9 de xuño (coincidindo coa celebración nos museos da Rede Museística das 17ª Xornadas DEAC) expoñeranse os traballos resultantes no Museo Provincial de Lugo, Museo Provincial do Mar (San Cibrao, Cervo), Museo Etnográfico San Paio de Narla (Friol) e Museo Pazo de Tor (Monforte de Lemos). Ademais coas distintas fases e obradoiros do proxecto elaborará un documental Henrique Lamas.
As sete persoas invidentes que participan no proxecto son Trinidad Canosa, Eladio Fernández, Antonio Fernández, Antonio López, Ángeles Miguélez, Manuel Paz Sánchez e Pilar Yáñez.
Remitido
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
