O deputado popular sinala que un prezo competitivo da electricidade ofrecerá garantías de viabilidade para estas industrias estratéxicas na economía e no emprego de Galicia
BALSEIRO DEFENDE A REVISIÓN “Á BAIXA” DAS TARIFAS ELÉCTRICAS DAS GRANDES EMPRESAS CONSUMIDORES DE ENERXÍA COMO ALCOA
O Estado vese na obriga de deseñar unha nova política enerxética despois do que os Gobernos do PSOE multiplicaran por 17 o déficit na tarifa eléctrica, que hoxe supera os 24 mil millóns de euros.
O deputado popular pide á Xunta que interceda ante o Estado para que se restableza o servizo de xestión de interrumpibiliade da demanda, polo que Alcoa recibe un desconto na súa tarifa
Santiago, 09 de abril de 2012.- O deputado do Grupo Parlamentario Popular, Jose Manuel Balseiro defende a revisión á baixa das tarifas eléctricas que teñen que asumir empresas como Alcoa cuxos custes de produción dependen en gran medida do gasto en electricidade. Son os denominados “grandes consumidores de enerxía” que ata o momento -por motivos diversos- se estaban a ver beneficiados de significativas reducións na súa factura.
Os máis de 24 mil millóns de euros de déficit tarifario na electricidade que o PSOE deixou tras dúas lexislaturas no Goberno obrigan ao actual Executivo central a deseñar unha nova política enerxética e, entre elas, á revisión das tarifas eléctricas que pagan empresas como Alcoa. Desde o PP defenden que malia que son conscientes do desmesurado déficit herdado do PSOE -que multiplicou por 17 a súa contía nos últimos oito anos- “a nova política enerxética non pode ser un factor que poña en risco o futuro de empresas da importancia que en Galicia ten Alcoa”.
Jose Manuel Balseiro sinala que un prezo competitivo da electricidade ofrecerá garantías de viabilidade para industrias como a multinacional do aluminio que, polas súas características, son consideradas estratéxicas dentro do conxunto da economía e no emprego de Galicia
PROPOSTA DO GRUPO POPULAR
O deputado popular defenderá no Pleno do Parlamento unha iniciativa (en forma de emenda) na que pide á Xunta que se dirixe ao Goberno central para que as tarifas de acceso para os grandes consumidores de enerxía inclúan “só e exclusivamente os custes asociados ás redes e aos de operación do sistema” -eliminado polo tanto outros gastos como ás primas ás compañías eléctricas, ao carbón, a compensación do déficit tarifario- así como tamén que se restableza o servizo de xestión de interrumpibiliade da demanda, polo que os grandes consumidores recibían un desconto na súa factura.
Jose Manuel Balseiro di que a Xunta de Galicia xa deu conta ao Ministerio de Industria de varias propostas ao obxecto de contribuír no redeseño do mapa enerxético do noso país e lembrou que o propio Presidente da Xunta, Alberto Núñez Feijóo, solicítoulle a Jose Manuel Soria “o máximo interese” e as “medidas precisas” para conseguir que Alcoa siga en Galicia mantendo “os niveis de emprego actuais”
APOIOS Á COMPETITIVIDADE DE ALCOA
Balseiro Orol lembra que só desde a chegada do Partido Popular á responsabilidade de goberno na Xunta a administración autonómica ten mobilizados catro millóns de euros en axudas e convenios de apoio á Alcoa para a mellora da súa eficiencia enerxética (plan de gasificación) e para contribuír a facer máis competitivos os custes de explotación desta factoría.
O deputado popular subliña o firme apoio do Goberno galego aos centros de traballo que Alcoa ten en San Ciprián (Lugo) e A Coruña, e sinala como compromiso prioritario o mantemento dos máis de 2.500 postos de traballo directos e indirectos que xera a compañía na nosa comunidade.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
