O BURELA FS CHAMA Á PORTA DO PODIO EN DERBI GALEGO, NA CIDADE DAS BURGAS
O Burela FS Pescados Rubén chama esta semana á porta do poido en derbi galego, coa visita ao Cidade das Burgas na vixésimo quinta xornada de Primeira. A cita, no pavillón dos Remedios, arrancará o sábado ás 16.30 horas.
A tan só un puntiño da terceira praza, o cadro laranxa intentará non desaproveitar o encontro, aínda que a súa entrada no trío de privilexiados non se presenta con moitas papeletas para esta xornada, debido á maior accesibilidade de calendario do Móstoles (51), terceiro, e Ponte Ourense (53), segundo, que visitarán o Rubí (14 puntos) e Diamante La Rioja (18 puntos), respectivamente, fuxindo dos postos de descenso.
Nunha excepcional liña de xogo e resultados, o Burela FS buscará unha nova vitoria ante un rival que, dende o seu actual décimo posto, pelexa por asentarse no ecuador clasificatorio na súa segunda tempada na elite. Javier Pardeiro ve o Cidade das Burgas como “un equipo cun estilo de xogo moi definido, forte na súa pista e no contragolpe”. “Debemos ter especial coidado co xogo directo e coas segundas xogadas, xa que aproveitan moi ben esa faceta” explicou o técnico burelista.
Para cumprir o obxectivo, “a escuadra laranxa deberá controlar os tempos do partido e buscar a perfección nas xogadas de estratexia ante un rival que pecha moi ben os espazos. Este pode ser un factor deteminante para que os tres puntos viaxen á Mariña” puntualizou o adestrador.
As Burgas tamén chegará ao derbi con moitas ganas de puntuar tras as derrotas ante o Ponte (1-4) e Córdoba (5-2), resultados que se decidiron nos últimos minutos.
No último enfrontamento irmandiño da liga, o vestiario de Javier Pardeiro non terá asegurada a participación de Maite, por sobrecarga; Haydee, cunha tendinite rotuliana que lle impediu adestrar con normalidade durante a última semana; nin Jozi, que arrastra molestias musculares.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
