Presidida por Xosé Manuel Barreiro hoxe tivo lugar a primeira reunión deste órgano de coordinación no que se establecen as liñas de actuación conxunta nas distintas Cámaras lexislativas en defensa dos intereses da nosa provincia
O PPdeLugo reunirá unha vez ao mes na súa interparlamentaria a todos os cargos electos nacionais, autonómicos e provincias
O encontro desenvolveuse en torno a dous eixos principais: a celebración dunha convención provincial e o encargo aos deputados lucenses para que coordinen as visitas que o Presidente da Xunta, Alberto Núñez Feijóo, ten previsto desenvolver nos distintos concellos da provincia.
Os populares lucenses amplían a súa ofensiva para poñer en valor a experiencia de goberno baseada no rigor, na austeridade e en dicir a verdade aos cidadáns sobre situación actual, fronte ás políticas erráticas e enganosas de socialistas e nacionalistas.
Lugo 9 de abril de 2012.- Na mañá de hoxe tivo lugar a xuntanza da interparlamentaria dos populares lucenses que, presidida por Xosé Manuel Barreiro, reuniu por primeira vez aos cargos electos desta formación política na Deputación de Lugo ademais dos deputados e senadores nas Cortes Xerais e dos representantes lucenses no Parlamento de Galicia que xa viñan reuníndose de xeito periódico.
O encontro do órgano de coordinación das deputadas e deputados populares celebrouse nesta ocasión na capital lucense, na sede provincial dos populares e acordou celebrar esta cita con periodicidade mensual. A interparlamentaria popular sinalou como prioridade que os distintos deputados e senadores elaboren iniciativas e estratexias que trasladadas no seu conxunto ás tres Cámaras lexislativas permitan impulsar a acción de goberno naqueles ámbitos, sectores ou obxectivos específicos que máis beneficien a provincia de Lugo
Nesta ocasión o encontro desenvolveuse en torno a dous eixos principais: a organización dunha convención provincial na que se pretende poidan participar todos os cargos electos do PP na provincia; e a coordinación e proposta de traballo para dotar de contido específico as visitas que o Presidente da Xunta de Galicia, Alberto Núñez Feijóo, ten previsto desenvolver polos concellos lucenses.
Ambas citas -que se celebrarán nos vindeiros meses, nunhas datas aínda por confirmar- queren ser espazos de debate, reflexión e de achega de propostas en moi diversos ámbitos e farán das achegas dos cargos públicos locais un dos seus principais obxectivos, pois no PP de Lugo entenden que son os representantes municipais os que mellor coñecen, pola proximidade, ás inquedanzas dos cidadáns.
CONVENCIÓN POPULAR
Segundo o acordado na interparlamentaria popular desta mañá, a convención do PPdeLugo aproveitará para facer unha valoración dos gobernos do PP na súa nada sinxela tarefa de contribuír a reformar as administracións públicas e convertelas en instrumentos sostibles ao servizo do cidadán. Xosé Manuel Barreiro explicou que o PP ampliará nos vindeiros meses “a súa ofensiva política para poñer en valor a experiencia de goberno baseada no rigor, na austeridade e en dicir a verdade aos cidadáns sobre situación actual, fronte ás políticas erráticas e enganosas de socialistas e nacionalistas”.
As deputadas e deputados reunidos na interparlamentaria desta mañá tamén decidiron que a convención aborde, dun xeito formativo, o emprego da rede internet como canle de contacto directo e rendición de contas ante os cidadáns e como ferramenta de comunicación política.
ORZAMENTOS DO ESTADO
Xosé Manuel Barreiro tamén repasou as contas estatais para 2012 e pediu a deputados e senadores que conxuntaran esforzos para dar a coñecer en cada unha das comarcas a importancia que os orzamentos xerais do Estado teñen como ferramenta básica na loita contra a crise. A idea é que os cargos provinciais, autonómicos e nacionais expliquen, defendan e aborden polo miúdo as contas estatais, as razóns que levan a apostar por estes investimentos e os obxectivos que se pretenden cumprir cos mesmos.
Remitido
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
