O PP de Mondoñedo presenta unha folla de ruta para a desexada dinamización socio-económica

O PP de Mondoñedo, en colaboración cos órganos de goberno, presenta unha folla de ruta para a desexada dinamización socio-económica

Mondoñedo, 13 de abril de 2012- Esta mañá tivo lugar a segunda reunión da Comisión de seguimento, creada a principios deste ano 2012, a raíz da situación económica na que queda o Concello de Mondoñedo e a comarca, despois da mala nova do peche da fábrica ECAR.

Logo da xuntanza a voceira local do PP, Elena Candia, lembrou que foi a raíz da visita do Conselleiro de Economía e Industria, Javier Guerra, cando se materializou un compromiso co concello de Mondoñedo.

“Creouse unha comisión onde están presentes as institucións que teñen algo que aportar para unha posible e desexada dinamización socio-económica do noso Concello nun futuro que esperemos que sexa a curto prazo”-afirmou Candia.

Di a voceira dos populares en Mondoñedo, que nesta comisión, o PP local, en colaboración cos órganos de goberno da Xunta de Galicia, quere facer unha proposta activa e moi comprometida para que a comisión, teña a medio prazo, uns resultados positivos. A portavoz popular destacou tamén que para a elaboración desta folla de ruta contou coa colaboración dos deputados autonómicos, José Manuel Balseiro e Emma Álvarez Chao.

“Na reunión que acabamos de celebrar o PP local, en colaboración cos órganos de goberno, ven de presentar o que considera a relevante folla de ruta para os vindeiros meses, cun paquete de medidas e ideas para materializar o obxectivo que se quere conseguir”-manifestou Candia.

Asegurou a popular, que nesta liña, é a primeira vez que se puxeron enriba da mesa tódalas vías, axudas e medios que as administracións teñen para que calquera emprendedor ou actividade que queira asentarse en Mondoñedo.

Afirmou Candia que despois de varias reunións de traballo e investigacións, o PP deseñou como 3 liñas de actuación relevantes, para continuar traballando con rigor.

“Concretamente estas tres liñas baséanse en áreas prioritarias porque poden, e porque así no lo ten demostrado o sector privado, un interese especial en desenvolver algunha idea que xere emprego en Mondoñedo, principalmente, e así queremos que se celebre para o vindeiro sábado día 5 de maio, a primeira reunión técnica, cunha visión práctica moi importante, sobre unha fonte de recursos na que creemos que pode enmarcarse o futuro da nosa comarca, que non deixa de ser o desenvolvemento sostible da xestión forestal, concretamente as actividades de biomasa.- manifestou Candia.

Asegurou a popular mindoniense, que nesa liña, plantexando como unha alternativa seria, real e posible para instalarse en Mondoñedo, celebrarase unha mesa de traballo onde empresas que teñen posto en marcha iniciativas similares, sensibilizarán a tódolos sectores que poderían estar implicados, da oportunidade e optimización de recursos para xerar emprego na nosa comarca.

Nomeou Candia, unha segunda liña que tamén lle parece moi relevante de explotar é dinamizar para que poida xerar emprego, insistindo sempre que é o principal obxectivo co que nace esta mesa (para captar inversores e xerar emprego en Mondoñedo): o turismo.

Adiantou Elena Candia, que nesa liña, na primeira quincena de xuño, concurrindo representantes das administracións e empresarios que viven e xeran emprego neste sector, actuarán e sensibilizarán a poboación mindoniense das posibilidades de negocio que deseña este sector.

A voceira dos populares en Mondoñedo tamén manifestou que en terceiro lugar, e tendo en conta a tipoloxía de emprendedores que temos na comarca, pechará a folla de ruta, unha xornada técnica, dirixida fundamentalmente a emprendedores autónomos e aos encadrados nas PEMES, onde todas elas buscan xerar emprego, autorizados por cargos da administración que teñan coñecemento e capacidade para poder tutorizar este tipo de proxectos.

Remitido