Candia critica a xestión carente de planificación de Besteiro, quen tras a preadxudicación de tres mini residencias asegura agora que en meses se decidirán as primeiras obras
Lugo 13 de abril de 2012.- A voceira do Grupo Popular provincial da Deputación de Lugo, Elena Candia, resalta a actitude carente de planificación que profesa de forma reiteirada o organismo provincial. Unha afirmación que queda exemplificada á raíz das declaracións verquidas polo Presidente do ente, José Ramón Gómez Besteiro, quen asegurou que nos vindeiros meses decidiranse as primeiras obras da rede de xeriátricos.
Para a voceira popular, estas declaracións manifestan a falta de coherencia do proceder de Besteiro, ao explicar que nos vindeiros meses se decidirán as primeiras obras das mini residencias, cando Suplusa xa preadxudicara as obras dos centros para maiores en Trabada, Castroverde e Pol”.
Candia lembra que no pleno de outubro de 2010 aprobouse unha proposta de goberno na que se encomenda á Sociedade Urbanística Provincial de Lugo S.A. a construción e xestión de centros de atención a persoas maiores, tendo en conta que esta Sociedade nos orzamentos de 2010 xa dispoñía dunha previsión orzamentaria de doce millóns de euros. A actitude demostrada dende aquela, amosa que o compromiso que asumira o goberno da Deputación respondía a intereses electoralistas, sen consensuar entre o ente provincial, a Xunta de Galicia e o goberno local.
Esta falta de planificación á raiz da toma de decisións en épocas preelectoralistas, que posteriormente non se materializan, repercuten negativamente na liquidez dos municipios, obrigándolles aos entes locais a asumir importantes custos por uns servizos que a día de hoxe non se levaron a cabo.
Segundo Candia, o consenso previo e a planificación interadministrativa permitiría levar a cabo proxectos efectivos. Así, ante esta situación, Candia pídelle de novo á José Ramón Gómez Besteiro que clarifique a situación, cumprindo cos compromisos adquiridos en acordo plenario. Para a voceira provincial, declaracións como as verquidas polo Presidente provincial aos medios demostran que o goberno non conta cunha folla de ruta clara e explícita que permita que a encomenda a Suplusa de construcción e xestión das mini residencias se leve a cabo.
Remitido