Un dos obxectivos preferentes da acción do Executivo galego, tras o acceso ao goberno do Partido Popular, foi a mellora deste servizo autonómico de emerxencias marítimas
BALSEIRO PIDE Á XUNTA QUE AVALÍE O FUNCIONAMENTO DO SERVIZO DE GARDACOSTAS DE GALICIA TRAS O REFORZO DA SÚA OPERATIVIDADE
O voceiro do Mar do Grupo Parlamentario Popular quere coñecer o número de operacións realizadas en materia de rescate, salvamento, e loita contra a contaminación mariña.
Os helicópteros da Xunta contan nesta lexislatura cunha dobre tripulación, capaz de asegurar unha resposta en tempo record, ao que hai que engadir as melloras nas embarcacións de rescate.
Santiago, 27 de abril de 2012.- O voceiro do Mar do Grupo Parlamentario Popular, Jose Manuel Balseiro, rexistrou unha iniciativa parlamentaria na Cámara galega interesándose polos operativos realizados ata o de agora polo Servizo de Gardacostas de Galicia, despois de que ao longo da actual lexislatura a Xunta decidira reforzar a operatividade e capacidade de resposta dos medios aéreos e marítimos de competencia autonómica.
Balseiro Orol sinalou que nun medio hostil como é o mar, onde os profesionais que nel traballan están expostos a continúos riscos é importante saber que se dispoñe dun servizo público capaz de actuar con celeridade e eficacia “alí onde e cando se necesite, alí onde e cando teña lugar unha situación de emerxencia marítima”.
O Servizo de Gardacostas de Galicia, é un organismo encargado da garda costeira, vixilancia pesqueira, procura e salvamento e protección do medio mariño nas augas da comunidade autónoma de Galicia,. Depende directamente da Consellería do Mar por medio da Subdirección Xeral de Gardacostas. A súa fundación como corpo de gardacostas data do ano 2004, e xorde da fusión e mellor de servizos que xa estaban en funcionamento na comunidade autónoma galega, como eran o Servizo de Vixilancia Pesqueira e o Servizo de Busca e Salvamento.
MELLORA DO SERVIZO
O voceiro popular lembrou que a Consellería do Mar vén de facer un importante esforzo económico e dotacional -só a mellora nos helicópteros arredor de 25 millóns de euros- para corrixir a situación de precariedade e ineficiencia coa que atoparon este servizo de rescate despois dos catro anos de esquecemento e mala xestión por parte do Goberno bipartito. Coa súa iniciativa parlamentaria Balseiro busca que a Xunta faga tamén unha valoración e avaliación dos resultados acadados coas melloras introducidas neste servizo.
MÁIS PROTEXIDOS
Balseiro lembrou que un dos obxectivos preferentes da acción da Xunta no ámbito marítimo-pesqueiro, tras o acceso ao goberno do Partido Popular en 2009, foi o reforzo das embarcacións e helicópteros de competencia autonómica que traballan no servizo de rescate, salvamento e control da contaminación mariña.
Neste eido, o voceiro popular do Mar, quixo salientar os cambios introducidos polo departamento autonómico que dirxe Rosa Quintana, como foron o reforzo da operatividade dos helicópteros adscritos ao Servizo de Gardacostas de Galicia, que contan cunha dobre tripulación, capaz de asegurar a prestación do servizo os 365 días do ano, ás 24 horas do día, e nun tempo de resposta record ou tamén as melloras das embarcacións de rescate, dotacións e servizos.
Remitido
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
