ANTONIO VEIGA PARTICIPOU NA APERTURA DA VI FEIRA DE ARTESANÍA DO FERRO DE RIOTORTO
O alcalde de Riotorto destacou a importancia “a nivel económico e turístico que a artesanía do ferro acadou grazas ao traballo de promoción que se fixo nestes anos”
Riotorto, 15 de abril de 2012. O vicepresidente da Deputación de Lugo, o nacionalista Antonio Veiga participou esta mañá na inauguración da VI Feira da Artesanía do Ferro en Riotorto, acompañado do alcalde de Riotorto, o tamén nacionalista Federico Gutiérrez Estoa, o delegado de Cultura e Turismo da Deputación de Lugo, o nacionalista Mario Outeiro, o deputado provincial Xosé Ramón Val, e outras autoridades e corporación municipal.
Na súa intervención ante a veciñanza, o alcalde de Riotorto destacou “a importancia que a artesanía do ferro ten para o concello de Riotorto non só desde o punto de vista etnográfico ou da tradición, senón tamén como un motor económico que sexa capaz de xerar emprego e riqueza, ademais de ser unha fonte de atracción do turismo, xa que grazas a este evento de posta en valor da nosa tradición ferreira o noso concello queda situado no mapa de Galiza para os lucenses, galegos e persoas do resto do Estado que nos acompañan”. Neste sentido apuntou que “temos que agradecer á Área de Cultura da Deputación de Lugo o seu apoio para contribuír a que a tradición do ferro se erixa como un piar de desenvolvemento económico e social para Riotorto, xa que é esta unha feira que se consegue organizar sen que o Concello de Riotorto teña que asumir custes”.
Os actos de apertura da VI Feira da Artesanía do Ferro de Riotorto contaron coa actuación dos “Gaiteiros de Riotorto” e tamén do coro municipal, para pasar logo a unha demostración en vivo de forxado e traballo co ferro tal como se fixo sempre en Riotorto. As autoridades tamén puideron presenciar varias demostracións en vivo da realización de pezas en ferro doutros lugares, como a ofrecida polos ferreiros da Fonsagrada, ou o obradoiro de ferro a cargo do ferreiro austríaco Friedrich Bramsteidl. O vicepresidente da Deputación, Antonio Veiga, coa compaña do alcalde de Riotorto, aproveitou para percorrer os postos dedicados á exposición de artesanía, que incluían outro tipo de produtos a maiores dos realizados con ferro, como produtos gastronómicos e ecolóxicos, pratería, cestería, vidro, liño ou traballos de coiro.
Esta é a VI edición dunha Feira da Artesanía do Ferro que cada ano que pasa medra en interese e poder de convocatoria entre as xentes non só do propio concello, senón tamén das comarcas próximas e de toda Galiza, ademais de convocar a un número moi alto de expositores, arredor de 80. Non en van, as persoas que asisten poden gozar durante todo o día de demostracións en vivo e obradoiros do ferro para os máis pequenos.
Esta completa xornada inclúe tamén actividades lúdicas como pasarrúas a cargo da Charanga Aires do Padornelo, un obradoiro de olaría a cargo de Vos de Laura de Buño e un taller de talla de madeira a cargo de Jesús Igrexas de Ortigueira. Tamén houbo un taller de Carbón Vexetal a cargo de Diego da Pasada.
Houbo tamén demostración en vivo da artesanía do ferro con Alberto Leis de Santiago de Compostela, os Ferreiros de Riotorto, os ferreiros da Fonsagrada e Enforjarte realizarán unha demostración en vivo dos seus traballos.
A continuación houbo animación de rúa a cargo da Compañía A Boneca Lareta co espectáculo O Cego e o Lazarillo, paseando en zancos polo medio da xente, como tamén houbo ás 13.30 horas animación de rúa a cargo de Volta e Dálle co espectáculo Buqueiras.
Pola tarde, ás 17.00 horas, pasarrúas a cargo da Charanga de Aires do Padornelo e demostración en vivo da artesanía do ferro con Alberto Leis de Santiago de Compostela, os Ferreiros de Riotorto, os ferreiros da Fonsagrada e Enforjarte; e un taller infantil do ferro a cargo de Friedrich Brasmsteidl.
Ás 18.00 horas, animación de rúa de novo a cargo de Volta e Dalle co espectáculo Buqueiras, para ás 20.00 horas, como peche da VI Feira de Artesanía do Ferro, actuación da Banda de Música de Sober.
Remitido
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
