RAQUEL ARIAS INAUGURA EN BURELA UN CURSO FORMATIVO NO QUE PARTICIPAN MEMBROS DE PROTECCIÓN CIVIL DE SEIS CONCELLOS DA MARIÑA
Na actividade concorren un total de 21 voluntarios dos municipios de Burela, O Vicedo, Mondoñedo, Viveiro, Cervo e Ribadeo
A delegada explicou que a programación da Academia Galega de Seguridade para o presente exercicio contempla 12 cursos a celebrar en distintos puntos da provincia, que ofrecerán formación en total a 250 persoas
Burela, 21 de maio de 2012.- A delegada territorial da Xunta, Raquel Arias, inaugurou hoxe en Burela o Curso básico de Protección Civil que organiza a Academia Galega de Seguridade, organismo dependente da Consellería de Presidencia, Administracións Públicas e Xustiza. Esta iniciativa formativa, a cuarta das que se celebran na provincia no presente ano, permitirá formar a 21 persoas pertencentes ás agrupacións de Burela, O Vicedo, Mondoñedo, Viveiro, Cervo e Ribadeo.
O curso foi inaugurado no salón de actos da casa consistorial de Burela e desenvolverase en horario de tarde ata o día 26, completando 20 horas lectivas.
A representante do Executivo galego na provincia gabou a colaboración altruísta que realizan os voluntarios nos seus respectivos concellos, á vez que recoñeceu “o esforzo que realizades e o compromiso que adquirides ao demandar esta formación que vos habilita para prestar importantes servizos na vosa comunidade”.
Arias incidiu en que este servizo forma parte do tecido impulsado pola Xunta en Lugo, xunto cos Grupos de Intervención Rápida (grumir) e as dotacións de bombeiros, para conseguir “unha atención integral que é preciso dar”.
En materia de emerxencias, Arias destacou a importancia da labor desenvolvida por estas agrupacións de protección civil, que facilitan que se poida cumprir o obxectivo de “dar unha resposta eficaz nun tempo razoable de 20 minutos” á poboación, xa que actúan como complemento aos parques de bombeiros e aos grumires.
A Academia Galega de Seguridade realiza unha programación formativa dirixida maioritariamente a voluntarios de Protección Civil así como membros dos Grupos Municipais de Intervención Rápida e dos servizos municipais de emerxencia, aínda que na provincia de Lugo tamén se prevé algunha actividade orientada a policías locais e bombeiros profesionais.
Polo que se refire ó labor formativo que desenvolve a Academia Galega de Seguridade, a delegada explicou que a programación para o presente exercicio contempla 12 cursos a celebrar en distintos puntos da provincia, que ofrecerán formación en total a 250 persoas. A data de hoxe concluíron xa os de Friol, Sober e Portomarín.
A programación comprende cursos básicos e especializados, como os de prevención e loita contra incendios urbanos e forestais, accidentes en estrada, busca e salvamento en montaña e zonas illadas ou intervención en emerxencias en torres eólicas. Constan dun mínimo de 20 horas lectivas e un máximo de 40.
O principal obxectivo, asegurou Raquel Arias, “é dotar aos voluntarios dos coñecementos necesarios para colaborar cos profesionais das emerxencias”. A delegada destacou esta “valiosa axuda” ao tempo que lembrou o compromiso da Xunta coa ampliación dos servizos de emerxencia profesionais, aludindo ao despregamento da rede de parques de bombeiros na provincia.
Apoio aos concellos para os Grumir
Ao respecto das actividades dos grumir, Raquel Arias incidiu tamén no “importante apoio que supoñen para os concellos” e lembrou que a Consellería de Traballo e Benestar está a tramitar xa as autorizacións para facilitar a contratación anticipada do persoal destas agrupacións.
Arias comunicou que, no que atinxe aos Grumir da Mariña, a Xunta de Galicia xa remitiu a autorización para a contratación anticipada aos concellos de A Pontenova, Cervo e Burela; están pendentes de completar a documentación requirida Ribadeo e Viveiro.
En total, subliñou, esta actuación da Consellería de Traballo e Benestar permitirá a contratación inmediata de 72 traballadores desempregados, ademais de procurar aos municipios un servizo de emerxencias de contrastada eficacia.
A alcaldesa, Marta Rouco, e a concelleira Paula Vigo destacaron que esta iniciativa busca dinamizar os domingos de feira e dar visibilidade ao traballo artesán. As inscricións poden realizarse ata o 26 de abril, cubrindo o formulario dispoñible en vilalba.gal/novas e enviándoo a feiras@vilalba.es xunto coa documentación requirida. Para consultas, está dispoñible o teléfono 982 51 03 05.
A representación desenvolverase na praza do mosteiro, na igrexa e nos espazos exteriores habituais para escenas como o xuízo ante Pilatos, o horto e a crucifixión. Participarán a Garda Pretoriana de Lugo, a Percussio Praetoria e o grupo Galiclasic, nun evento recoñecido como Festa de Interese Turístico Rexional e no que colaboran arredor de cen persoas.
O Concello de Cervo convida a toda a veciñanza a participar no novo Guateque de Arruguiñas, unha proposta pensada para fomentar o encontro interxeracional, a convivencia e o lecer compartido. O evento celebrarase este martes, 31 de marzo, ás 19:30 horas, na Casa do Mar de San Cibrao. A xornada incluirá actuación musical, bingo e chocolate, actividades organizadas polo alumnado de 2º de Bacharelato en colaboración coa Oficina de Voluntariado Xuvenil e a Asociación de Xubilados Terramar. O Concello anima a participar e desfrutar dunha tarde especial de convivencia e diversión.
O luns 30 de marzo ás 18:00 horas darán comezo as visitas guiadas polo casco histórico de Viveiro, conducidas polo historiador Xesús Martínez e organizadas polo CCHV coa colaboración da Xunta de Cofradías da Semana Santa. Antes da primeira visita, ás 17:30 horas, realizarase unha breve presentación na Praza Maior, diante da porta do Concello. No acto participarán José Veiga, en representación da Xunta de Cofradías, Cristina Rodríguez, presidenta do CCHV, e o propio Xesús Martínez.
O alcalde, Pedro Fernández, salientou o seu impacto turístico e deportivo. A edición inclúe un atractivo especial: a Concentración da Selección Española OPEN, que adestrará en Tapia do 1 ao 6 de abril. O Goanna Pro é a segunda proba da Liga PRO, garantindo un nivel competitivo máximo. Datas: Semana Santa 2026. Lugar: Praia de Anguileiro. Destacado: Concentración da Selección Española (1–6 abril).
O delegado destacou a consolidación do evento como referente cultural na Terra Chá. O festival contará con Caamaño & Ameixeiras, Ulex e La Txama, ademais de actividades lúdicas. A cita será no campo da feira de Gontán, con entrada gratuíta.
A Guía Repsol destaca 24 locais galegos como Soletes de primavera para gozar nesta Semana Santa. Galicia suma xa 357 establecementos recoñecidos con este distintivo, que non se renova nin se revalida, senón que se concede como categoría única. Na provincia de Lugo figuran seis Soletes: ‘Caserío Meiroi’ (Navia de Suarna), ‘Ebos’ (Vilalba), ‘Faragullas’ (Mondoñedo), ‘La Salina’ (Sarria), ‘Ramón’ (Lugo) e ‘Trespés’ (Monforte de Lemos).
