Os parlamentarios do PSdeG César Mogo e Patricia Otero aseguraron no Senado e no Congreso que o Executivo seguirá respectando os procedementos e recordaron que xa lle denegou subvencións á pasteira, como os fondos da liña 4 do Perte de descarbonización
Madrid, 16 de setembro de 2025. O senador César Mogo e a deputada Patricia Otero defenderon hoxe en ámbalas cámaras a actuación do Goberno central respecto do proxecto de Altri para a construción dunha planta pasteira en Palas de Rei. Durante a reunión da Comisión de Industria e Turismo que se celebrou no Senado, Mogo asegurou que o Executivo de Pedro Sánchez “é a garantía de que non se atentará contra o medio ambiente nin na provincia de Lugo nin en Galicia, nin por Altri, nin por outro proxecto”.
O senador do PSdeG, que comezou a súa intervención recordando á veciñanza de Barreiros e aos cinco brigadistas que sufriron queimaduras no incendio que se produciu nese municipio, cualificou de “difícil de entender” que o BNG levase a debate unha iniciativa na que, ao mesmo tempo, pedía “que o proxecto de Altri sexa examinado exhaustivamente” e, por outra banda, “que sexa rexeitado”, sen atender a ningunha consideración xurídica. Por iso, lamentou que o Bloque rexeitase unha emenda socialista a través da que se corrixía esa incongruencia.
César Mogo advertiu aos nacionalistas que non se pode defender o medio ambiente “a costa da legalidade e os procedementos”, senón todo o contrario. De feito, sinalou que o Goberno “xa o demostrou nos pasos que diu” respecto da pasteira. “Aos socialistas non nos gusta Altri. É máis, estamos en contra, e queremos ser prudentes co financiamento”, dixo antes de recordar que o Estado xa lle denegou unha subvención ao proxecto porque non cumpría os requisitos, mentres a Xunta aprobou a súa declaración de impacto ambiental.
En similares termos se expresou Patricia Otero na Comisión de Industria e Turismo do Congreso, que se celebrou tamén esta mañá. A deputada socialista, que, como Mogo, expresou ao inicio da súa intervención a súa solidariedade coas persoas afectadas polo lume de Barreiros, criticou que o proxecto actual de Altri “nada ten que ver co que presentou Feijoo”, nin en canto ao material que se pretende producir nin en canto ao número de empregos que se crearían.
A deputada socialista criticou as posicións tanto do PP como do BNG neste asunto. “Por unha banda temos ao Partido Popular, que pide que se lle dean fondos si ou si aínda que non cumpra, e por outra temos ao Bloque, que esixe que non se lle dean aínda que cumpra”, explicou. Fronte a iso, defendeu a posición do Goberno como “o garante de que se cumpra escrupulosamente” a normativa, porque, apuntou, é necesario “darlles a maior seguridade xurídica a todos os proxectos que permitan avanzar na reindustrialización de Galicia”. “Nós queremos esa reindustrialización, pero non a toda costa”, matizou, e lembrou que o PP, desde unha Xunta “que ten todas as competencias”, non fixo nada en materia de industria.
Para concluír, Otero remarcou que foi o Goberno central “o que lle denegou a Altri “os fondos da liña 4 do Perte de descarbonización”.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
