CONTRATACIÓN NOMINAL (A DEDO) NO CONCELLO DE BURELA
No DOG número 50 do 14 de marzo de 2012 a Consellería de Traballo e Benestar publica a ORDE do 29 de febreiro “pola que se establecen as bases que regulan as axudas e subvencións para o fomento do emprego a través de programas de cooperación no ámbito de colaboración coas entidades locais e se procede á súa convocatoria para o exercicio do ano 2012”
Este DOG contén a normativa que hai que aplicar para realizar contratacións en postos de traballo que oferten as entidades locais. E dita normativa, inclúe aos integrantes dos grupos municipais de intervención rápida (Grumir), que en Burela son 12 prazas
Tamén se explica que o fundamental de estas subvencións é, por un lado, fomentar a creación de emprego de calidade e, por outro, incrementar a empregabilidade das persoas desempregadas, mellorando as condicións do mercado de traballo no marco da Estratexia Europea para o Emprego, o Programa Nacional de Reformas, a recentemente aprobada Estratexia Española de Emprego, no Plan Estratéxico de Galicia 2010-2014 Horizonte 2020 (PEG) e no eido da colaboración institucional e o diálogo social en curso entre o Goberno galego e os axentes económicos e sociais de Galicia.
Referenciado a dita orde publicada, o Concello de Burela debe presentar as ofertas de emprego cunha antelación mínima de 15 días hábiles á data prevista para realizar as correspondentes contratacións na oficina pública de emprego.
Recibida a oferta, a oficina de emprego realizará unha sondaxe de demandantes en función das características dela, atendendo á maior adecuación ao posto de traballo ofertado, e proporcionando, de ser posible (en Burela é moi posible), o número de persoas candidatas por posto de traballo que solicite a entidade beneficiaria, que en ningún caso poderá ser inferior a dúas nin superior a dez.
As persoas candidatas serán remitidas ó Concello co fin de que este realice a selección definitiva, que lle deberá ser notificada, para o seu coñecemento, á correspondente oficina de emprego.
Os Grupos de acción rápida (Grumir) deben estar formados por profesionais que reúnan unhas características especiais (formativas e físicas) para enfrontarse con garantías a un servizo que pode ser moi esixente.
A selección destes profesionais esixe a realización de probas que sirvan para elixir ós mellores tendo en conta a igualdade, capacidade e mérito. Así mesmo, terase en conta o menor nivel de protección por desemprego das posibles persoas beneficiarias, así como a existencia de responsabilidades familiares.
O alcalde de Burela acolléndose, interesadamente, á modalidade de contratación anticipada dos Grumires, concede a dedo as doce prazas que lle corresponden ao Concello de Burela. O conxunto de interesados/as que como tales figuraban nas oficinas de emprego non puideron optar a ningunha destas prazas ó desprezar o alcalde a normativa que figura no DOG relativa a solicitar demandantes e realizar a correspondente selección.
Consideramos que as institucións públicas deben ser un exemplo en canto a transparencia, igualdade de oportunidades e promoción do emprego. Que o alcalde de Burela configure unha lista nominativa para os postos de Grumir demostra quen non representa ó conxunto dos veciños e que emprega o Concello como medio para pagar ou realizar favores.
Que non ocorra nada en Burela que poña en evidencia a operatividade do grupo municipal de intervención rápida, porque o responsable directo será o señor alcalde.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
