O BNG CONVOCA MOBILIZACIÓNS NAS COMARCAS DE LUGO CONTRA O RESCATE BANCARIO
Mario Outeiro convocou “a toda a cidadanía a participar nas mobilizacións de Lugo e Burela porque este rescate para a banca é un roubo ao pobo”
Outeiro afirmou que “o rescate é un roubo ao pobo para darllo á banca e a provincia de Lugo vai notar especialmente os recortes que se van derivar”
Lugo, 11 de xuño de 2012. Esta tarde, o responsábel comarcal do BNG de Lugo-centro, o nacionalista Mario Outeiro, xunto ao responsábel comarcal do BNG da Mariña, Antonio Veiga, o responsábel comarcal de Lugo-Sur, Ricardo Rodicio, mailo deputado do BNG no Parlamento Galego, Manuel Parga, compareceron en rolda de prensa no local comarcal de Lugo-Centro, para dar conta das mobilizacións que os nacionalistas convocan para mañá diante da subdelegación do goberno en Lugo, ás 20:00 horas, e na Praza da Mariña de Burela, ás 20:30 horas, coas que pretenden expresar o rexeitamento da cidadanía ao plan de rescate que a Comisión Europea lle vén de impor ao estado español para rescatar á Banca, e que se van a celebrar baixo o lema “Rescate para a banca, roubo para o pobo”.
O portavoz nacionalista, Mario Outeiro, indicou que “o resgate ao Estado español por valor de 100.000 millóns de euros vai ter un beneficiario -a banca privada, que poderá pagar as súas débedas e sanear os seus balanzos- e unha vítima ben evidente -as maiorías sociais e os pobos, a comezar por Galiza- que somos os paganos da operación e os que teremos que pagar a factura en forma de novos recortes e do deterioro da nosa
calidade de vida. Imos ser as cidadáns e os cidadáns os que paguemos non só os 100.000 millóns de euros, senón tamén os xuros (que a estas alturas aínda non sabemos a canto van ascender).Pagaremos dúas veces: teremos que devolver esa enorme cantidade de diñeiro acrecentada polos intereses e teremos que sofrer novos recortes. A enorme desfeita que provocou o resgate ten culpábeis con nomes e apelidos. É preciso depurar as súas responsabilidades. Que se constitúan as comisións de investigación que o BNG leva pedido quer no Congreso quer no Parlamento Galego. Que se reforme, se for preciso, o código penal para que as persoas responsábeis sexan castigadas. O PP veta as comisións de investigación porque ampara e protexe os responsábeis dun desastre que lle vai custar ao erario público arredor do 25 por cento do PIB do Estado español (se sumamos aos 100.000 millóns de euros deste resgate os 150.000 millóns de euros xa entregados á banca polo Estado desde que estourou a crise). Trátase dunha estafa xigantesca, unha estafa que se está levando por diante o traballo e o benestar social de millóns de persoas. Unha estafa que ten que ser investigada, xulgada e penada polos tribunais de xustiza”.
Outeiro continuou afirmando que “Rajoy minte cando di que é un préstamo, porque non se pode ocultar que é un rescate, polo tanto é un presidente indigno de ocupar ese cargo. E minte porque o resgate si ten condicións que afectarán dramaticamente o benestar social dos cidadáns de Lugo, que hai que lembrar que a suba do IVE afecta de xeito máis intenso a aquelas persoas con menos poder adquisitivo, e en Lugo temos os salarios e as pensións máis baixas do Estado, que hai que lembrar que este plano vén acompañado dun recorte nos salarios e nas pensións, cando a porcentaxe de pensionistas en Lugo sitúase á cabeza de Galiza e do Estado, tamén hai que lembrar que este plano vai introducir importantes recortes nos servizos públicos e no sistema de benestar, vai axilizar a aplicación de algunhas das medidas xa aprobadas polo anterior goberno de Zapatero como as referidas á idade de xubilación. En definitiva, os cidadáns convertémonos nos avalistas dun crédito que na súa letra pequena vai provocar un empobrecemento xeneralizado das maiorías sociais, un aumento da desigualdade entre territorios e persoas e unha xestión da crise nunha dirección totalmente enfrontada aos intereses das clases populares. Todo isto vai significar o mesmo que os anteriores resgates no ámbito da UE (Grecia, Portugal, Irlanda). Isto é: máis recesión, máis paro e máis desigualdades sociais”.
O deputado no Parlamento Galego, Manuel Parga, incidiu en que “o resgate é duplamente negativo para Galiza porque non só vai castigar as súas maiorías sociais, senón porque destruirá o sistema financeiro galego. Con efeito: a Unión Europea condiciona o resgate a unha nova rolda de fusións no sistema financeiro. Rolda de fusións que inevitabelmente se irá traducir na absorción de Novagaliciabanco pola Bankia nacionalizada. Resulta escandaloso que ante algo tan evidente Feijóo se manteña absolutamente en silencio e sen facer ningunha proposta para evitar o espolio do aforro galego. Isto é, non hai máis alternativas que as que pon sobre a mesa o BNG: novo papel do Banco Central Europeu, no que o BCE financie os Estados e non os bancos, e Banca Pública, no noso caso Banca Pública Galega”. Na mesma liña, Parga insistiu en que “é o momento de que o pobo decida coa súa resposta na rúa se avanzamos na dirección que a Comisión Europea e os poderosos teñen definido para o noso País ou se, pola contra, camiñamos cara unha nova política económica que priorice a creación de emprego, a igualdade social e un sistema de benestar cos seus servizos públicos de calidade”.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
