O CONCELLO CREA UN BANCO DE LIBROS DE TEXTO ANTE A DELICADA SITUACIÓN LABORAL E ECONÓMICA QUE ESTÁN A SOFRIR MOITAS FAMILIAS EN RIBADEO. A RECOLLIDA DE EXEMPLARES REMATA O VINDEIRO 1 DE XULLO E DESPOIS ATA O 18 PÓDENSE PRESENTAR AS SOLICITUDES PARA PODER BENEFICARSE DESTE PRÉSTAMO.
Ribadeo, 26 de xuño de 2012. O Concello crea un banco de libros de texto ante a delicada situación laboral e económica que están a sofrir moitas familias en Ribadeo e para potenciar valores coma a solidaridade e a reutilización, segundo explica hoxe a concelleira de Servizos Sociais, Teresa González Piñeiroa.
A primeira fase para a posta en marcha deste banco de libros xa está en marcha. A edil nacionalista sinala que “ata o 1 de xullo vánse recoller os libros de texto xa usados de 5º e 6º do colexio Gregorio Sanz e os de 1º, 2º, 5º e 6º do Sagrado Corazón. Non recollemos os de 3º e 4º porque os libros cambian e non se poderían utilizar e tampouco os de 1º e 2º do Gregorio Sanz porque serían difícilmente reutilizables, segundo nos comunicou a dirección do centro”. A data límite de entrega dos libros de texto será ata o 1 de xullo na sede dos Servizos Sociais do Concello en horario de 9 da mañá a 14 horas.
González Piñeiroa indica que “despois procederemos á súa selección, e a continuación entramos na segunda fase que irá do 1 ao 18 de xullo, período no que as familias poden presentar as súas solicitudes para ser beneficiarios deste préstamo de libros de texto. Para adxudicalos haberá un baremos no que primará a situación económica e laboral das familias e tamén puntuará o feito ser prestatario de libros. Unha persoa que presta libros ten máis puntuación que unha que non presta”.
A concelleira de Servizos Sociais engade que “sabemos que non imos poder acceder a todas as familias que teñen necesidades, pero en función dos libros que teñamos iremos distribuindo entre os beneficiarios. Así poderá haber familias que leven un lote completo e outras que só levarán uns cantos libros. Tentaremos distribuilos dun xeito equitativo e o máis xusto posible”.
Teresa González fai unha chamada “para que todas aquelas persoas que teñen libros de texto na súa casa, que xa non utilizan e que moitas veces non se sabe qué facer con eles, para que os depositen alí co obxectivo de poder distribuilos entre as familias que o necesiten. É unha iniciativa que queremos e desexamos que se vaia nutrindo de máis exemplares para poder atallar a situación difícil pola que atravesan moitas persoas”.
Sistema xusto e necesario
A edil do BNG rexeitou as críticas verquidas nas últimas horas desde o PP, “nós non queremos utilizar os colexios para ningún tipo de adoctrinamento. A realidade social está aí ao igual que o malestar xeralizado antes uns recortes e ante unha discriminación na educación. Non queremos entrar en polémicas, senón que o que pretendemos é buscar solucións á problemática existente, xa que hai moitas familias que antes contaban cuns libros que se lles prestaban para poder utilizalos ese ano e devolvelos ao seguinte curso e agora esa realidade xa non existe”. E subliñou que “nós o que pretendemos é seguir con ese sistema, que consideramos que é xusto e necesario, e que ademáis fomenta moitos valores. Si se considera adoctrinar falar do que realmente pasa, síntoo moito, iso non é unha ideoloxía do BNG, senón da xente, é un sentir popular que hai”.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
