Tania González lembra que o anterior goberno local do PSOE deixou unha herdanza envelenada e turbia na facenda de Cervo
Cervo, 7 de xuño de 2012-A edil de Facenda, Tania González, respondeu hoxe ás críticas do grupo socialista sobre a situación económica e financeira do Concello de Cervo. González deulle as grazas ao grupo municipal do PSOE por saír aos medios a falar deste tema “porque así podemos lembrar a nefasta xestión das arcas municipais levada a cabo polo anterior goberno socialista de Cervo, na que se inclúe non só a incapacidade para sanear as contas, senón tamén as graves irregularidades e os procesos xudiciais abertos pola súa incompetencia”. A edil de Facenda asegura que PSOE cervense ao fronte do executivo local “deixou ao actual goberno unha herdanza envelenada e envolta en asuntos escuros da que aínda estamos a sufrir as consecuencias a pesar de que nestes anos conseguimos ir mellorando a situación”.
A responsable de Facenda achega datos sobre a conxuntura económica deixada polos socialistas no ano 1999, cando “Cervo estaba á cabeza na lista dos concellos máis endebedados de Galicia”. González manifesta que nese ano o Concello debíalle aos bancos 3,8 millóns de euros, mentres os seus ingresos eran de 2,3 millóns de euros, “cifras para non estar orgullosos” asegura González, e moito menos cando “dende o goberno local estase traballando para rebaixar a débeda e estanse obtendo resultados”.
“Sempre fala o que máis ten que calar e, se tiveran algo de dignidade, non sacarían á opinión pública asuntos que os prexudican”, asegura González, especialmente no referente ás obrigas de pagamento aos provedores. “Un dos méritos do goberno do PSOE en Cervo foi deixar unha débeda aos provedores de máis de 3 millóns de euros, que en 12 anos conseguimos rebaixar ata os 731.000”. De feito, sumando a débeda coas entidades financeiras e a débeda cos provedores do ano 1999 resultan 7 millóns de euros, “unha cifra desmesurada que en 12 anos reducimos en 2,5 millóns de euros” engade a edil.
A responsable de Facenda lembra que “non só rebaixamos o endebedamento, senón que ademais incrementamos a nosa capacidade de autofinanciamento, é dicir, os cartos para facer investimentos e actuacións a favor da veciñanza”. Uns ingresos que segundo González fixeron máis que duplicarse, pasando dos 2,3 millóns no ano 99 aos 5,2 millóns no 2011.
Outro dos “agasallos malditos” deixados polo anterior goberno foron as irregularidades nas contratacións de obras, como o Plan Placer “un cúmulo de anomalías escandalosas que nos obrigou a iniciar accións legais para evitar un pagamento indebido de máis dun millón e medio de euros”. Para a concelleira “facer memoria é moi recomendable e, aínda que os socialistas esquecen cando lles interesa, saben moi ben que conseguimos menos débeda e máis ingresos”, tarefa difícil despois de recibir unhas contas “con débedas desorbitadas, ingresos raquíticos e asuntos económicos turbios considerados así pola xustiza, a peor herdanza que un goberno entrante pode recibir dun goberno saínte” remata González.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Estiveron organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofreceron tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
