Jose Manuel Balseiro agradece o compromiso do Goberno galego con estes proxectos e sinala supoñen un investimento próximo aos 600 mil euros, en menos de 24 meses, destinados a facer realidade o que outros prometeron e non cumpriron
PORTOS DE GALICIA CONFIRMA A BALSEIRO QUE O DRAGADO INTEGRAL EN FOZ SE EXECUTARÁ A PARTIRES DO REMATE DO VERÁN
Antes, en plena época estival, coñeceranse os resultados do estudo de hidrodinámica que busca impedir que se produzan novos depósitos de sedimentos areosos así como do estudo técnico e de viabilidade económica previo á remodelación das instalacións portuarias de Foz
Santiago, 07 de maio de 2012.- O Presidente de Portos de Galicia, Jose Juan Durán, confirmou en resposta a unha pregunta parlamentaria do deputado Jose Manuel Balseiro que o dragado integral de Foz se executará a partires do remate do verán. Semanas antes, en plena época estival, o Ente autonómico portuario fará públicos tamén os resultados do estudo de hidrodinámica -que analiza como se produce a sedimentación das areas e propoñe medidas correctoras- e do estudo de viabilidade técnica e económica que a Xunta encargou con caracter previo antes de acometer á remodelación integral do borde portuario, e que veñen a dar resposta ás solicitudes efectuadas neste sentido tanto desde o Concello de Foz como polos propios usuarios do porto.
Jose Manuel Balseiro agradeceu as explicacións dadas por Jose Juan Durán quen indicou que todas estas actuacións xunto co dragado de emerxencia executado en marzo do ano 2011 supoñen un investimento próximo aos 600.000 euros. Unha elevada achega económica que se executará en Foz en menos de 24 meses e todo iso a pesar de atoparmos nun tempo dificultades financeiras e limitacións orzamentarias.
O Presidente de Portos de Galicia tamén explicou que, en cumprimento do acordo parlamentario que no seu dia impulsou o propio Jose Manuel Balserio, en nome do Grupo Popular, os orzamentos de Portos de Galicia para 2012, contemplaron o investimento preciso para aportar unha solución estable, a longo prazo, ao problema da falta de calado no acceso á dársena focense.
DRAGAXE INTEGRAL E ESTUDO DE DINÁMICA
En canto ao estado actual deste proxecto explicouse que os técnicos do ente público consensuaron coa comunidade portuaria e o Concello de Foz o punto de vertido axeitado para o material que da dragaxe, que quedou definido en Fondás. Unha vez establecido con precisión o punto de vertido, Portos de Galicia iniciou a tramitación ambiental co Ministerio de Medio Ambiente para que autorice dito vertido da area extraida de cara a iniciar en tempo e forma os traballos previstos.
Por outra banda, a dragaxe non é a única actuación prevista en Foz, xa que Portos de Galicia está a realizar o estudio de dinámica litoral, que definirá as condicións de abrigo e calado da zona de cara a unha posible ampliación das instalacións.
CONTACTO DIRECTO CO SECTOR
Tanto Balseiro como Jose Juan Durán sostiveron que a adminitración autonómica mantén contacto directo cos axentes portuarios de Foz, tanto o colectivo de profesionais como os usuarios das instalacións náutico recreativas, así como co Goberno local, dos que recibe cumprida información sobre o estado de operatividade da canle de acceso ao porto. Lembran que, a diferenza do acontecido no pasado, no momento en que se teñen producido problemas neste sentido, como o risco de inoperatividade da dársena por varada da frota no acceso a ela, Portos de Galicia deu a máis rápida resposta posible. Non en van, no mes de marzo do pasado 2011, a Xunta de Galicia investiu 245.000 euros na dragaxe de emerxencia da entrada e saída ao porto, ante o risco constatable para a flota.
Balserio concluíu sinlando que as devanditas actuacións e os investimentos correspondentes veñen a ratificar o compromiso do Goberno Galego e en concreto da Consellería do Medio Rural e do Mar a través de Portos de Galicia, co desenvolvemento marítimo de Foz e, en conxunto, do global da Mariña lucense. “Creo que neste sentido temos demostrado a nosa implicación e o valor dos nosos compromisos, fronte as promesas incumpridas do pasado”-concluíu.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Estiveron organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofreceron tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
